PAGKATAPOS kong magsawa sa pag-iyak, pinalis ko ang mga luha sa aking mga pisngi na ngayon ay malapit nang matuyo.
Mas mabuti pa sanang sinaktan na lang niya ako ng pisikal dahil mas kaya kong indahin ang sakit na dulot no'n. Mas mabilis na maghilom kumpara sa sakit na nararamdaman ko ngayon. Pero itong ginawa niya sa akin ngayon, kahit kailan ay hindi na mabubura. Maghilom man ang sugat, mag-iiwan at mag-iiwan pa rin ito ng pilat.
Nanlalambot man ang mga tuhod ko ay pinilit ko pa ring tumayo at tinungo ang kama. Napakuyom ang aking kamao nang makita ko ang payapang hitsura ni Joaquin habang natutulog. Ang sarap putulan ng kaligayahan ang walang hiya!
Kinuha ko ang cellphone na nasa loob ng aking bag saka ko is-in-ave sa contacts ko ang numero ng babae niya. Habang nagtitipa ay biglang
