MABILIS akong bumaba ng sasakyan nang makarating kami rito sa bahay. Agad akong lumapit sa pinto ng backseat ng sasakyan saka ito binuksan. Gano'n pa rin ang hitsura ni Joaquin mula kanina nang isakay ko siya. Nakasubsob ang mukha nito sa gilid habang ang katawan ay nakalupaypay.
Malalim ang paghinga nito tanda na mahimbing ang tulog niya. Bahagya pa siyang naghihilik. Sana all na lang, ‘di ba?
Ang lakas ng loob na mag-walk out kanina na para bang kasing laki ng nawawalang kaban ng bayan ang nawala sa kaniya. Parang luging-lugi dahil hindi napagbigyan sa gusto, tapos ako rin pala ang mag-uuwi sa kaniya pabalik rito sa bahay.
Yumuko ako at bahagyang ipinasok ang katawan sa loob ng sasakyan. Makailang beses ko siyang tinapik-tapik sa braso ngunit hindi man lang ito natinag. Niyugyog ko p
