HINDI ko alam kung ilang oras na akong nakatanaw sa kalsada na tanging mapusyaw na ilaw galing sa lamp post lang ang nagsisilbing ilaw sa kadiliman. Tanging huni ng mga kuliglig at tahol ng mga aso sa 'di kalayuan lang din ang naririnig ko. What will I expect? May mga ingay pa ng tao sa ganitong oras? Maghahating-gabi na kaya!
Kanina pa ako naghihintay sa pag-uwi ni Joaquin ngunit nakalipas na ang ilang oras ay wala pa rin maski anino niya. Pakiramdam ko ay mababaliw na ako sa kaiisip kung nasaan na ba siya at kung sino ang kasama niya sa mga oras na 'to.
Hindi ako mapakali. Kinakabahan ako at hindi mawari ang aking nararamdaman. Nababalot ng matinding takot ang dibdib ko sa mga sandaling ito. Napakabigat ng dibdib ko. I know I’m the one who is responsible about what happened. Pero masi
