KUNG nahihirapan man ako sa sitwasyon ko ngayon, alam kong darating din ang araw na matatanggap ko ang lahat. Hindi madali pero kailangan dahil may isang munting anghel na nakadepende na sa akin. Hindi ko man siya mabigyan ng isang kumpletong pamilya, ibibigay ko pa rin ang lahat ng makakaya ko para maramdaman niya na kahit kami lang ay hindi magiging kulang ang pagkatao niya.
Bubusugin ko siya ng pagmamahal na katumbas ng pagmamahal ng isang masaya at kumpletong pamilya.
Kung dumating man ang araw na hanapin niya sa akin ang ama niya, hindi ko naman iyon ipagkakait sa kaniya dahil karapatan niya iyon bilang isang anak. Alam kong maiintindihan din niya ang sitwasiyon basta ipaliwanag ko lang sa kaniya nang maayos.
“Hoy, girl, nakikinig ka ba?” Isang matinis na boses ang pumukaw sa aki
