"KAMUSTA ang paglalandi?" sikmat sa akin ni Joaquin.
Nakasandal ito sa pader habang humihithit ng sigarilyo na malapit nang umabot sa filter nito. Siya pa ang may ganang magtanong ng gano'n sa akin samantalang siya itong harap-harapang nakipagsiping sa ibang babae. Napakagago lang ng tanong niya. Gusto ko tuloy bumunghalit ng tawa.
Simula nang ikasal kami, ngayon ko na lang ulit siya makitang manigarilyo. Dati, noong magkasintahan pa lang kami, makikita ko lang siyang naninigarilyo kapag stressed siya. Sabi niya kasi noon, nakakawala raw ito ng stress. So ibig sabihin niyan ay stressed siya ngayon?
Wala sana akong balak na pansinin siya pero nainsulto ako sa tanong niya. Hangga't maari ay pinipigilan ko ang sarili kong magalit. Kasi kapag galit ka, mawawala ka sa katinuan. Lahat ng mas
