PAGKATAPOS kong magsimba, dumaan muna ako sa isang mall na kalapit ng simbahan para mag-grocery. Napansin ko kasing halos wala nang laman ang ref at cabinet. Pero bago ako makarating sa loob ng grocery store, napatigil ako sa isang clothing store para sa mga babies.
Pumasok ako sa loob dahil parang nama-magnet ako ng mga gamit pambata na nakikita ko mula sa labas nitong store. Ang cute kasi nilang tingnan lalo na iyong mga iba't iba nilang print.
“Goodmorning, ma‘am,” nakangiting bati sa akin ng isang babaeng staff.
Nginitian ko rin siya at binati pabalik bago tinungo ang mga newborn clothes na naka-hang sa gitnang bahagi. Ang ilan ay nakatupi nang maayos at magkakapatong sa isang rack.
Itinaas ko ang isang set ng pink na tieside. May print ito na hello kitty at kulay pink, pero ibina
