SUNDAY, walang pasok sa opisina. Day off din ni Joaquin ngayon kaya ito sana ang araw na magkasama kami. Tuwing araw ng linggo, hindi namin nakakaligtaan ang magsimba. Mamamasyal kami sa park pagkatapos magsimba o kaya manonood ng sine saka kakain kahit sa turo-turo lang. Simple lang ang buhay namin dati. Masaya pa at tahimik.
Pero dati iyon, iba na ngayon. Pagkatapos niyang umalis kahapon kasama ang haliparot na si Michelle, hindi na siya umuwi sa bahay. Hindi ko tuloy mapigilan ang sariling mag-isip kung ano na namang ginagawa nila sa mga oras na ito. Pero given na kung ano, ’di ba? Sa bahay pa nga lang kahit naroon ako nagagawa na nilang magpakasarap. Paano pa kaya ngayong sila na lang dalawa? Baka naghahabulan na ang mga iyon.
Sabi nila, always put God in the center of your relation
