الحلقة الرابعة عشر

3648 Words

الفصل الرابع عشر ****************** مصطفي قرر يروح البيت لأميره ويحاول يقنعها لأنها قالتله : - اديني وقتي ف التفكير يا مصطفي وفعلا مصطفي محبش يضغط عليها ومد اجازته وقرر انه لازم يتنقل هنا .. السبب اللي مشي عشانه ومبقاش موجود .. وحبيبته وهيرجعها ليه .. وصل عند بيت اميره وخد نفس عميق ورن الجرس فتح والدة اميره اللي بصتله بحنان : -ازيك ي مصطفي ي بني مصطفي بصلها بإحراج : - الحمد لله ي طنط والدة اميره -سعاد- : - طنط ايه بس مش كنت ماما مصطفي بلهفه : - اكيد والله انا بعتبر حضرتك والدتي التانيه سعاد بهدوء : - يبقي انا هفضل ماما .. اتفضل ي بني مصطفي : - انا اسف لو كنت جيت من غير معاد بس انا عاوز اتكلم مع اميره سعاد : - ولا يهمك ي حبيبي اتفصل وهناديهالك مصطفي قعد وسعاد مشيت ودخلت قالت لأميره اللي بصتلها بإندهاش : - مصطفي بره .. هنا هنا يعني ؟ سعاد : - اه ي قلبي بره البسي واطلعيله سعاد خرجت لمصطفي وبعدها بدقايق انضمت ليهم اميره والاتنين بصو لبعض بشوق .. وسعاد بصتلهم بإبتسامه مكتومه: - طب هقوم اعملكو عصير محدش رد وهي خرجت وهي بتضحك عليهم وعلي عنادهم اللي باعدهم عن بعض وبتتمني ربنا انهم يرجعو لبعض مصطفي اول ما سعاد خرجت وقف وقرب من اميره : - وحشتيني جدا كده تسيبيني كل ده ومترديش عليا اميره بعتاب : - ما انت سيبتني سنين ومسألتش عني وانا اللي كنت بعد الايام ف بعدك مصطفي : - تعاالي نقعد بس وهنتفاهم قعدوا الاتنين لا بعاد عن بعض ولا مقربين اوي وسكتو شويه ومصطفي اللي بدأ الكلام : - يعني يا اميره انتي كنتي بتغيري من شمس وهي بت عمي واختي عشان مهتم بيها شويتين .. عايزاني ازاي استحمل اشوفك مع راجل تاني ؟ دبلته ف ايدك ؟ وانه ليه حق فيكي وانا لأ؟! اميره بلمعة دموع : - معرفش بس انت كان لازم تتمسك بيا اكتر من كده وتجيلي يا مصطفي مصطفي : - والله العظيم جيتلك يا عيون مصطفي بس اتصدمت انك اتخطبتي لواحد تاني محستش بنفسي غير وانا طالع ع الشركه وقدمت طلب نقل وندمت ع الخطوه دي ... بس فكرتك اتجوزتي سي هيثم وقولت بلاش اعكر صفو حياتك اميره : - ازاي اتخيلت اني ممكن اتجوز راجل غيرك او اسمح لغيرك يلمسني .. حتي ف الخطوبه مخليتهوش يلبسني الدبله .. يا مصطفي انا اتخطبت عشان احاول انساك او انك تتحرك وتيجي تصالحني بس للأسف معملتش كده اميره عيطت ومصطفي كان نفسه يض*ب نفسه فرب منها بلهفه: - اسف اسف اسف ي اميرتي والله علي كل وجع سببتهولك (برجاء ) ارجوكي اديني فرصه تانيه فرصه واحده بس احاول اعوضك فيها عن اي اهمال وقلة اهتمام حصلت واحنا مع بعض اديني فرصة اعوضك عن الوقت اللي فرقنا اميره بصتله وبعد شويه هزت راسها بنعم وهو بصلها بفرحه : - بجد يا اميره وافقتي نرجع لبعض اميره هزت راسها تاني بضحكه … ومصطفي بصلها بسعاده : - اخيرا وافقتي بحبك والله العظيم بحبك ي اميرة مامتها دخلت ف الوقت ده وف إيديها العصير وبصتلهم بسرور : - مب**ك ي حبايبي … الف مب**ك وربنا يخليكو لبعض مصطفي واميره بصوا لبعض بفرحه : - يارب ... ويخليكي لينا يا ست الكل … ......................................... ............................................. يركب سليم العربية ويدوس بنزين ويجري بسرعه البرق لحد ما يلاحظ العربية اللي ركبها ايمن من على بعد ، يقرب لحد ما يكون وراها بكام متر لحد ما تقف قدام عمارة سكنية على جانب الطريق ، ينزل ايمن ويمشي بتقل باين من اثر الض*ب يتوجه الى المصعد ليدخل سليم ثم يقف امام المصعد ليعرف فى اى دور سيتوقف ايمن ، يتوقف المصعد عند الطابق الثانى عشر ف يخرج من العمارة * يدخل سليم ويروح ناحية اوضة البواب * يسألة سليم بهدوء : هو ايمن الشرنوبي ساكن هنا ؟ ف يرد كانة بيكرة ايمن واللي خلفوة :- - اه يا استاذ في الدور ال12 شقة 121 سليم : امال مالك متضايق ليه كده وانت بتقولى - راجل تقيل ورذ*ل و من يوم ما وصل و هو كل ليله يطلع ومعاه واحدة ست وتنزل الست وهى بتلعن جدوده سليم : أسمك ايه يا حاج ؟ ابو الغيط : ابو الغيط يا ابني سليم : وانا زي ابنك اسمي سليم انت باين عليك راجل شهم اوى يا عم ابو الغيط ابو الغيط : ربنا يخليك يا ابني ده من ذوقك سليم : طيب تعالى انا عايزك ف كلمتين يا راجل يا طيب . في اوضتها و علامات الارهاق والتوتر على سلمي اللي من ساعة ما سليم راح يقابل ايمن وهى مفارقتهاش ، يرن تليفونها تلاقي رقم ايمن ، تفتح الخط وترد برجفة : * عايز ايه ايمن بغضب : انا يتعمل فيا كل ده ؟ انا هف*جك انتى والدكر بتاعك !بعد ساعتين من دلوقتى هبعتلك لينك ابقى ادخلى عليه ، واضح ان الشهرة فتحتلك دراعتها علشان تبقي نجمه لامعه في مجال جديد بس هيليق عليكى ! تنهار سلمي وهى تصرخ : _ انت مجنون وسافل . سلمي ما تلتقيش قدامها غير انها تتصل ب سليم اللي رد عليها وهى منهارة و مش عارفة انة عارف اللي هي بتقولة ويحاول يهديها . سليم : خلاص خلاص مش هيحصل انا هتصرف اهدى وخليكى في مكانك متتحركيش . ............. .............. .............................. خلاص عرفت القصة يا ابو الغيط الراجل خان الامانة وضحك علي البنت الغلبانة ومصورها وبيذلها بيهم رغم ان الكلام دة كان من سنين وهي لسة صغيرة وبيهددها يفضحها لو مطاوعتوش كده ينفع ؟ ترضاها انت يا ابو الشهامة و النخوة ؟ ايو الغيط : ده طلع اوسخ من فى الارض ، انا فكرته بتاع نسوان وبس انما يطلع واطى بالشكل ده يبقا مايستاهلش يعيش يوم واحد يا ابني بس ماينفعش تبلغو الشرطة وهي تتعامل معاة ؟ سليم : ايه يا ابو الغيط احنا مش رجالة ولا ايه ، ومهما كان احنا ولاد بلد ولو عملنا كدة البنت الغلبانة دي هتتفضح! احنا نربيه شوية و ناخد منه الحاجه و خلاص بدال ما تبقا فضايح للبنت واهلها ! ابو الغيط : اه حقك عليا معلش مكنتش فاهم دى طيب يا سليم انا دلوقتى هعمل زى ما قلت لى انا هخبط فانوس عربيتة و، هنزلهولك وده مفتاح الشقة بتاعته هتلاقيها في وش الاسانسير اول ما تطلع افتح ودور على كل الحاجات اللى انت عايزها وانا هعطلة علي اد ما اقدر لحد لما تنزل ، بس ياابني انا باسلمك رقبتى كده و هى فداك علشان انت عايز تحفظ عرض واحدة وانا عندي بنات وخايف عليهم وربنا يردلي اللي بعملة دة فيهم ويوقفلهم ولاد حلال زيك يقفو معاهم لو الدنيا جت عليهم من بعدي . سليم: و انا رقبتى ليك يا غالى و جميلك ده مش هانساهولك ابدا ابو الغيط :جميل ايه يا ابني العفو انت تؤمرنى . يطلع سليم مباشرة لشقة ايمن يقوم بالتفتيش عن اى اجهزة او ادوات الكترونية داخل الشقة ويجمع ما استطاع من لاب توب وهواتف وكروت ميمورى وسيديهات وفلاشات و كل دة يلاقية فى اوضة نومه ، ينزل بيهم و يتصل بابو الغيط يخلية يبعد ايمن عند مدخل البيت ، يقف بالعربية قدام العمارة ويقرب أبو الغيط و معه ايمن ، ويقولة ان دة اللي خبط عربيتة ف يطلب منة سليم يركب علشان كدة الشارع هيتعطل وانة هيتفاهم معاة ف الموضوع بتاعهم من غير شوشرة ومستعد ل اي تعويض فيركب ايمن في سذاجة ،ويتحرك سليم بالعربية ناحية شارع جانبي, ، يوقف سليم بالعربية قدام مبنى قيد الانشاء ، ينزل سليم وهو بيسحب ايمن من رقبتة ويدخل المبني وهو بيقول :- سليم :شوف انا اخترت المبنى دة علشان زى ما انت شايف كده وللمصادفة ان المبنى منعزل علشان لما اقطعك حتت وارميك للكلاب محدش يحس بيك . يطلع سليم كل اللي جمعوه من شقة ايمن ويحطهم علي تربيزة خشب قديمة ويسبهم، يخلع سليم جاكته ، يفك ازرار القميص و يقعد قدام ايمن اللي بيبصلة بطرف عينه وكانه منتظر حكما بالاعدام يبادره سليم :- الحاجات دى بتاعتك صح ؟ ايمن يهز رأسه نعم سليم : طيب افتح لنا اللاب وورينا عليه ايه يتردد ايمن ويسكت ليرد عليه سليم بصفعه على وجهه محتدا :- افتح يا كلب انت هنا ميت لو منفذتش كل اللى بقولك عليه *يفتح ايمن اللاب ويدخل الباسورد يجلس سليم الى جواره وهو يقول :- بهدوء كده ومن سكات دخلنى على الملفات الخاصة وانت فاهم انا بتكلم عن ايه يدخل ايمن تلقائيا على ملف يحمل اسم ( شهيصه ) وبضغطة يظهر اكثر من 45 مقطع يبدا سليم في فتحها ليراه مرة مع شقراء يميز وجهها بأنها الفنانة ( س ) و مرة يراة ومعه امرأة ثلاثينية ومرة مع سمراء ومرة مع نحيفة ، الى ان يصل الى الفيديو الخاص بسلمي ، يستخرج الفلاش ميمورى اللي ادهالو ايمن في الصباح ثم يقول:- انت كنت حاطط عليها فيديوهات سلمي بس ؟ يهز ايمن رأسه قائلا : أه سليم : انت بخيل اوى يا اخى ورينى بقي كنت حاطط لى ايه ؟ ليري سلمي تظهر في الفيديوهات بمفردها وتبدو عليها علامات النوم فيخاطبه في لهجة حادة :- وانت بقي كنت ناوى تنزل صورها هى وانت لا ؟ انا بقا هاكون اكرم منك مع الجمهور وانزل فيديوهاتك انت وكل الناس الحلوة اللى معاك دى ومن حسن حظك بقى ان الباقة بتاعتي لسة مشحونة والنت اسرع مما تتخيل ، ايمن في توسل :- لا يا استاذ مش انت اللى تعمل كده سليم :واشمعنى انت كنت هتعملها ؟ ايمن : انا ابدا مكنتش هعمل كده ، انا اتوجعت من الض*ب فهددت بس سليم يعنى افهم من كده انك جبان وخسيس ابن كلب ؟ ايمن اه يا استاذ انا كل دول ودلوقتى من قلبي الف مب**ك لك ول سلمي سليم طيب يا ايمن اللـه يبارك فيه ، الموبايل اللى معاك فين ؟ يخرج ايمن موبايله وهو عارف قصد سليم فيقول له :- الحاجات كلها على اللاب بس يا استاذ . سليم : يعنى مفيش نسخ تانية معاك يا ايمن يا ش*ي ؟ ثم يضع يده على خد ايمن وهو يصفعه بهدوء صفعات خفيفة متتالية وهو يقول : عموما الاجهزة دى كلها هتفضل معايا علشان لو فكرت تتشاقي تبقي عارف هيحصل ايه . ليرد ايمن في لهفة وخوف :- لا يا استاذ مفيش شقاوة ولا اى حاجة ، ده كل اللى معايا واهى بقت معاك وانا هختفي من حياتكم نهائي ، سيبنى امشي يا استاذ واوعدك مش هتسمع اسمى تانى ولو صدفة سليم : يا ابنى ما هو انا مينفعشي اسمع اسمك الا في حالة واحدة بس ! يوم جنازتك ، فيه حاجة تعملها قبل ما تمشي ايمن ايه هى يا استاذ ؟ سليم : سلمي اللى انت اتصلت بيها وهددتها هتتصل بيها تستسمحها وتعتذر لها . ايمن : تحت امرك يا استاذ . يطلب سليم رقم سلمي واللي اول ما ان تسمع صوته تنهار ف العياط وهى تقول :- ايه يا سليم الفيديوهات نزلت خلاص ! الكلب نفذ تهديده ؟؟ سليم : انا فكرتك هتتطمنى عليا تشوفينى عامل ايه ينفع كده ؟ مادام بتسألى عن الفيديوهات يبقي اسألى الكلب بنفسك وشوفيه هيقولك ايه ! كلم يا ايمن .. يلتقط ايمن الهاتف وهو يقول :- انا اسف على اى ازعاج سببتهولك انتى والاستاذ وحقكم عليا انتم الاتنين انا هختفي من حياتكم واتمنى لكم شهر عسل سعيد يسحب سليم التليفون من ايده وهو يقول: كفاية عليك كده ، ها يا سمسة خلاص اتطمنتى ؟ لترد سلمي بفرحة غامرة و احساس نادر * ايوه يا حبيبي الحمد لله انا فرحانة جدا .. ############# ............................... ................ جمال نزل واتصل بالشرطة و بلغ عن شمس ومهيب انهم بيتقابلوا ، و ادالهم العنوان ، و بعد ما بلغ الشرطة نادى على واحد فى الشارع و قال له اطلع نادى على عمك ابو مهيب فى شقة رقم كذا و قول له انزل كلم فيه واحد عاوزك على اول الشارع .. و لحظة ما نزل والد مهيب خده جمال و فضل يرغى معاه فى اى كلام لحد الشرطة ما هاجمت الشقة و قبضت على شمس ومهيب .. و فى القسم وجه لهم تهمة الزنا ، و قال فى المحضر انها بتقابل مهيب من يوم ما رجع فى الشقة دى و قدم لهم الجوابات اللى بينهم و قال انه هايرفع عليها دعوى الزنا .. ######## كانت شمس مش قادرة تستوعب الموقف و لا قادرة تصدق اللى هى فيه ، لكن مهيب فضل يقوى قلبها و يقول لها ، احنا أبرياء من التهمة القذرة اللى هو وجههالنا دى و لازم الحق يظهر انا اتسجنت مرة لكنى كنت استحق ، و مش هاتسجن ابدا فى حاجة ماعملتهاش و لا انتى هاتدوقى السجن ظلم حتى لو على رقبتى .. بص مهيب لوالده و قال له اتصل لى ب سليم و قول له ييجى يزورني ضرورى .. و بالفعل نفذ الوالد واتصل ب سليم ،وجالة علي القسم و اول سليم ما فهم اللى حصل ، مسك كتف مهيب و قال له :- رقبتى فداك يا صاحبى ، مش هاتروح المحكمة من الاصل و لا هاتقف تانى قدام قاضى طول ما انا عايش .. و بكرة بالكتير هاتكون خارج من باب القسم مرفوع الراس انت و شمس و لو ماحصلش يبقا الشنب ده على واحدة ست .. حاول مهيب يفهم من سليم هايتصرف ازاى لكن سليم ما صرحش باى حاجة ، كل اللى عمله انه خد عنوان بيت جمال و عنوان شغله و رقم عربيته .. ............................................... راح ل جمال علي شغله لاقة مجاش . راحله البيت وجمال فتح وهو مستغرب لأنه شايف قدامه راجل طول بعرض ولبسه نضيف وشكله غريب عن منطقتهم بصله وقال : - اي خدمه ي استاذ سليم بصله : - انت جمال جمال بصله بإندهاش : - ايوه انا جمال ي بيه سليم دخل وجمال لسه مندهش ان حد كبير زي سليم- ع حسب تفكيره - سليم دخل الشقه وهو بيبصلها ويبصله بإشمئزاز من ريحة الدخان والم**رات اللي ماليه الشقه وقعد وبص لجمال : - تاخد كام وتتنازل عن القضيه الزباله اللي متطلعش غير من واحد زباله شبهك جمال بصله بفهم: - ااها وانت جاي بقا عشان كده .. وي تري انت باعتك اللي كانت مغفلاني وبتحبه طول السنين دي ولا مغفل تاني سليم بهدوء : - فعلا زي ما تخيلت .. بني أدم زباله انا مش عارف ازي استحملت تقعد معاك سنين جمال ببرود : - كانت راضيه بيا محدش ض*بها علي ايديها سليم بعصبيه : - ومفكرتش وانت بتعمل عملتك دي وراك بنت هتحرمها من امها ... بلاش كده بنتك لما تكبر هيبقي شعورها ايه وانت بتتهم امها تهمه زور جمال بعصبيه مماثله: - وهي مفكرتش لما راحت تحب واحد تاني وتغفلني سليم بسخريه : - هي حبت يعني مشاعر بريئه مش زيك .. واللي يسمعك يقول انك مكنتش كل يوم مع واحده شكل جمال : - انا راجل تفرق سليم : - هه طيب ي راجل تاخد كام وتتنازل؟ جمال: - مش هتنازل واللي عندك اعمله .. سليم بثقه : - اللي عندي ياما .. اوعي تكون متخيل اني معرفش عمايلك القذره دي لينا كلام تاني . * ومشي وسابة من غير ولا كلمة زيادة * .......................................................... و بدأ سليم فى تنفيذ الخطة فى نفس اليوم .. بعت جابت راجلين من قرايبة ف البلد وطلب من واحد منهم يراقب جمال ويشوف بيروح فين وبيقابل ميت ويجنع كل حاجة عنة وطلب من التاني يجبلة حاجات معينة . وبعد ما فهمهم اللى هايعملوه و هما وعدوه انهم هاينفذوا الكلام بالحرف الواحد ، و كانت خطته محكمة و فى منتهى الدهاء ، كان بيعمل كده و هو بيتمنى نجاح الخطة علشان يبقا قدم اى شئ ل مهيب صاحبه و حبيبه .. و فى الموعد المحدد بدا التنفيذ .. ............... جمال خرج من البيت بليل زي عادتة كل يوم علشان يسهر برة والراجل اللي تبع سليم متابعة طول الطريق لحد ما وصل ل كبارية ف شارع الهرم ودخلة ف دخل وراة . وبدا يلاحظ ان جمال مركز مع واحدة من اللي شغالين ف الكبارية وطول الوقت هيتجنن علشان تقعد معاة وهي رافضة طلع الراجل من الكباربة واتصل ب سليم بلغة باللي حصل بالحرف سليم اخد عنوان الكباربة وراحلة وخلاة يندة ل الست اللي قالة عليها وجاتلة وكان جمال ف حالة سكر ومش شايف سليم اللي قعد ف اخر المكان ورا خالص وجمال كان قاعد جمب البيست بتاع الرقص جت الست واسمها سوزي و اول ما قعد مع سليم اتكلمت :- اللي معاك قالي انك عايزني ف مصلحة بس لامواخذة يعني يا بية شكلك ولبسك مش وش المكان دة . سليم بهدوء : اسمك اية الاول علشان اعرف اكلمك . سوزي : بيقولولي يا سوزي . سليم : بصي انا عايز منك خدمة وهد*كي اللي تطلبية . سوزي : يبقا مش هنختلف طالما هتدفع اللي هطلبة وشكلك ابن ناس مش هتماطل معايا . سليم : بصي الموضوع وما فية اني عايز ازعل واحد وانتي عشان تساعديني هتروحي معاة بيتة . سوزي : لا يا بية كلة الا اذية الناس انا يمكن فيا كل العبر بس مازيش حد ما ازنيش ف حاجة وان كان علي شغلي هنا ف انا بضر نفسي مش حد تاني . سليم : اسمعيني بس الاول وبعدها قرري . *وحكالها سليم قصة شمس ومهيب واللي عملة جمال وكل حاجة حصلت لحد ما جمال دبر لهم القضية دي * سوزي بغضب : بقا الراجل دة يطلع منة كل دة انا كنت فاكراة اخرة الشرب ومستحملة رزالتة عليا كل ليلة هنا لكن دة عايز يفضح واحدة ست ويرميها بالباطل ويشوة سمعتها وانا يمكن شغالة كدة شغلة ما تشرفش حد بس مرضاش ان واحدة ست مهما كان يتعمل فيها كدة ظلم انا معاك قولي بس اية اللي مطلوب مني . سليم : قوليلي بس لية بتعاملي جمال دة وحش هو بخيل معاكم هنا ؟ سوزي : بالع** با بية دة ايدة فرطة بس لا مواخدة يغور هو وفلوسة كلها قصاد اللي بيعملة . سليم : مالة يا سوزي يعني بيعمل اية لو مفيهاش احراج . سوزي ضحكت : احراج اية يا بية الحكاية انة لامواخذة سادي شوية يعني بيحب يض*ب البنات ويهينهم ويمرمطهم وف الاخر يدلهم فلوس كتير ويمشيهم وهما غصب عنهم بيرضو علشان ما يشتيكهمش لصاحب الكبارية اللي ممكن يقطع عيشهم هنا و ف اي مكان تاني بس انا لو علي رقبتي مش هخلي كلب زي دة يطلع عقدة عليا لو بكنوز الدنيا . سليم : مش عارف اقولك اية لاني بصراحة مش قادر افهم دماغك دي بس اللي فاهمو كويس انك خسارة تكوني ف مكان زي دة . سوزي : المصيب بقا هنعمل اية قولي بس مطلوب مني اية وانا انفذة علطول . *شرحلها سليم كل اللي مطلوب منها وبعدها سابتة وقامت راحت ل جمال علي التربيزة بتاعتة وقعد جمبة هزرت معاة وهو ماصدق وبدا يقوم ويشدها علشان تمشي معاة وفعلا قامت وخرجت معاة وراحو علي شقة جمال وسليم والراجل اللي معاة وراهم * بعدها ب نص ساعة نزلت سوزي لوحدها وشاورت ل سليم من بعيد اللي بعتالة الراجل اللي معاة يديها بقية الفلوس اللي اتفقو عليها خدتهم ومشيت وهي بتشاور ل سليم علامة الشكر بعدها سليم اتصل بالبوليس وبلغ عن عنوان جمال وانة بيتاجر ف الم**رات * ............................................... جمال كان هيتجنن وهو قاعد ف القسم مستني يدخلوة الحجز هو مش عارف ايه اللي جابه هنا ولا التهمه دي جت منين هو مش فاكر ايه اللي حصل ولا جه هنا ازاي كل اللي فاكره لما دخل بيته وكان معاه سوزي آآ .. سوزي صح .. جمال فهم مره واحده : - سوزي اااه ي بت ال*** .. وانا اللي كنت فاكرك عدله .. بس انتي شمال مكنش ينفع اثق فيكي … افتكر لما كانت م**مه انها هي اللي تعمل الكاسات وعطتهاله ومحسش بحاجه بعدها غير والبوليس بي**ر الشقة وبيفتش المكان .. قاطع تفكيره دخول سليم وهو بيبصله بتشفي: - ايه ي سبع الرجال عرفت اني اقدر اعمل اكبر م اللي ف خيالك ؟! جمال بفهم : - ااه هو انت انا كده فهمت بقا سليم باستفزاز: - اهو كويس انك بتفهم ... كنت فاكر ان الم**رات اللي لقوها ف بيتك لحست عقلك جمال بعصبيه : - دي تهمه زور وانا هقول لوكيل النيابه انك انت صاحب الم**رات دي ؟! سليم ببرود : - وانا معاك ووريني هتقدر تثبت ده ازاي؟ جمال اتوتر من ثقته : - انت عاوز ايه وتطلعني من هنا زي ما دخلتني؟ سليم : - انت عارف عاوز ايه جمال : - اتنازل ؟! طب ولو ماتنازلتش؟! سليم قام وقف واتكلم بسخريه : - خلاص يبقي هتعفن هنا خصوصا انك ممسوك متلبس سليم كان لسه هيمشي بس جمال ناداه بسرعه : - استني بس ي استاذ احنا بنتفاهم سليم : - مفيش تفاهم تتنازل وهتخرج والا آآ جمال قاطعه : - مفيش والا هتنازل خلاص سليم : - كده تعحبني !! ........................ سلمي راحت قعدت مع والدة شمس بعد اللي حصل بترعي سهر اللي علي طول بتعيط ومفيش علي ل**نها غير ماما وبتواسي والدة شمس اللي عينها انتفخت من كتر العياط سلمي بصتلها : - عشان خاطري ي طنط اهدي بس والدة شمس بقهر : -اهدي ازاي بس وانا بنتي كده سلمي بسرعه : - والله العظيم سليم مش هيسكت متقلقيش وآآآ قاطعها صوت الجرس وقامت تفتح بسهر اللي نامت بعد عياط طويل ولقت قدامها مصطفي اللي اخد منها سهر باسها ودخل بيها وهو بيتكلم: - مرلت عمي وسهر عاملين ايه دلوقتي ؟! سلمي بأسي : - زي ما انت شايف مصطفي وصل لعند والدة شمس وشاف حالتها فقرب منها بحزن : - ليه كده بس ي مرات عمي صدقيني شمس هتخرج بالسلامه والدة شمس: - مش باين ي ابني سلمي: - انا لسه مكلمه سليم من شويه وطمني والله والدة شمس : - بجد ي بنتي سلمي: - اه والله بجد وهتصل عليه تاني وهسأله وافتحلك الاسبيكر سليم كان خارج م القسم وهو فرحان بانتصاره وانه هيخرج صاحبه من تهمه ظلم عملها واحد خسيس زي جمال سمع صوت تليفونه بيرن ولقاها سلمي ورد : - ايوه ي سلمي سلمي بلهفه: - هااه ي سليم عملت ايه طمننا ؟! سليم بفرحه : - الحمد لله الندل ده اتنازل عن القضيه وكلها شوية اجراءات ويطلعوا ينوروا البيت سليم سمع صوت والدة شمس وهي بتقول بلهفه : - بجد ي ابني هيخرجو ... انا السبب وانا اللي ضغطت عليها تتجوز واحد زباله زي ده سليم طمنها : - خلاص اللي حصل حصل احنا ولاد النهارده .. استعدي بس لخروج بنتك سليم اتكلم مع مصطفي وشرحله عمل ايه وهو اعجب بذكائه .. وبعدها اتكلم مع سلمي وقفل معاهم ........................... سحب جمال دعوى الزنا اللى كان رافعها ، و فوقها اشترط عليه سليم عدم المطالبة بحضانة سهر ، مع حفظ حقه فى رؤيتها وقت ما يحب ، كان بيدور على اى مخرج له من القضية اللى كانت هاتقضى عليه ، رضخ لكل الشروط و هو بيتمنى ان الكابوس ينتهى .. و طبعا كانت خساير سليم - المادية - كتيرة فى التلفيقة دى لانة دفع مبلغ كبير ل حد حد ف المعمل الجنائي علشان تطلع نتيجة التقرير ان اللي احرز مكنش م**رات وكانت حاجة تانية شبيها ليها لكنه كان شايف ان مهيب يستحق اكتر من كده و كان فى الوقت ده نعم الصديق ، لانه كان عارف معنى الصداقة .. و بعد انتهاء القضايا تم الانفصال بين جمال و شمس ، و تم اخلاء سبيل مهيب وشمس و الافراج الفورى عنهم .. ##########

Free reading for new users

Scan code to download app

App Store Google Play

Facebookexpand_more