بناتي حياتي الجزء التاني الفصل الرابع

4283 Words

رواية ?بناتي حياتي? الجزء التاني #بقلم_ولاءيحيي البارت الرابع لين : صباح الخير لو سمحت دكتور رامي فريد موجود الشخص : موجود بس في اوضة العمليات قدمه ساعه ونص تقريبا لين : اوكي ميرسي ( وتفتكر حاجه) طيب لو سمحت دكتور يحيي صدقي موجود الشخص : ايوه يا فندم لسه واصل من نص ساعه لين بابتسامه : ميرسي مع السلامة وتقفل لين وهي بتفكر وتقرر انها تروح المستشفى فتلبس وتنزل ووهي خارجه كان اسلام قعد لوحده في الجنينة اسلام : علي فين يا شراني لين تبص تلقي اسلام قعد لوحده لين بابتسامه : انت لسه صاحي فكرتك طلعت تكمل نومك اسلام يقوم يقف امامها : معرفتش انام تاني ما انتي عملتي ازعاج وطيرت النوم من عيني.. مصحينا من الفجر يا مفتريه انتي رايحه فين كده لين : هروح المستشفى لرامي اسلام بضحك : ايه هتعملي كبسه عليه لين بابتسامه : رحه اعمله مفاجأة مش كبسه ( وتبص لإسلام) وقابل دكتور يحيي واخد منه التقرير القديمة وملف بتاعي كله اسلام باهتمام : لسه م**مه تعملي اللي في دماغك لين بت**يم : ايوه وانت وعدتني مش هتقول لحد اسلام : انا مش حابب يا لين تخبي عن رامي حاجه و تبدأ علاج وتبقي لوحدك وهو مش جمبك لين تتن*د : احنا تكلمنا في الموضوع دا كتير يا اسلام انا مش حبه يعيشوا معايا الم وتعب تاني كفاية اللي عاشوا معايا زمان من دكاترة ومستشفيات وانت سمعت الدكتورة وهي بتقول ان العلاج هيكون متعب وانا مش عاوزه ابدأ حياتي مع رامي وابقي تعبانة ويتعب معايا من تاني ومش حبه حد يحطه امل كبير عاوزه ابدأ علاج وشوف النسبة ها تعلى وهيبقي في امل ولا لاء وبعدها ابقي اقولهم لو لقيت في امل مش عاوزهم يتعبه ويتألم تاني بسببي اسلام بابتسامه : ماشي يا لين هوافق نخبي عليه بس فتره صغيره زي ما اتفقنا بس اي ان كانت النتيجة انتي وعدتني انها مش تأثر علي حياتك ولا علاقتك برامي خليك عارفه ان رامي اختارك وهو عارف كل ظروفك وراضي بيها سواء اتعالجتي او لا لين بابتسامه : عارفه يا اسلام وانا عمري ما هبعد عنه ولا هسيبه بس انا حبه اسعده فأعمل اللي عليه وسيب الباقي لربنا وان شاء الله خير... هروح انا بقي عشان الحق اقابل دكتور يحيي قبل ما رامي يخلص العملية اسلام بابتسامه : اوكي خالي بالك من نفسك وتخرج لين من البيت وفي نفس الوقت كانت خرجه شروق وابنها ويقف شويه بيبصه لبعض لحد ما لين تقرب منها لين بابتسامه : ازيك يا شروق وحشتيني شروق تبتسم وتقرب منها وتحضنها : انتي كمان وحشتيني اوي يا لين لين تبص لابنها اللي واقف جمبها ف*نزل لعنده وتبوسه : مين القمر الصغنن دا شروق بابتسامه : دا سليم ابني لين تقوم تقف وتبصلها وتبتسم : ما شاء الله ربنا يخلي هولك انتي ريحه فين شروق : رايحه النادي عشان سليم يلعب شويه لين بابتسامه : طيب تعالي لما اوصلك في طريقي انا معايا العربية شروق : مش عاوزه اتعبك هاخد تا**ي لين تبصله وتبتسم وتفتكر زمان لما كانت اي مشوار تروح ليها عشان توصلها لين بابتسامه : اركبي وهاخده منك حق التا**ي تضحك شروق : ان كان كده ماشي وتشيل ابنها وتروح تركب مع لين ولين تمشي ويفضله شويه سكتين مبيتكلموش وتشيل ابنها وتروح تركب مع لين ولين تمشي ويفضله شويه سكتي مبيتكلموش وبعد فتره لين بابتسامه : اخبارك ايه وازي المهندس امجد هو منزلش معكي شروق تبصلها وتبتسم : الحمد الله كويسين لا نزلنا سوأ بس امجد سافر الصبح القاهرة بيخلص شويه حاجات لين : انتم رجعتم امتي شروق تبصلها بحزن : رجعنا يوم فرحك انتي ورامي لين بصتلها وشافت نظرت الحزن اللي في عينها لين ابتسمت : حمدالله علي السلامة شروق بضيق : الله يسالمك ( وتسكت شويه وتبصلها بحزن وضيق) ليه يا لين ليه عملتي كده لين بستغرب : عملت ايه تقصدي ايه يا شروق مش فهمه شروق بضيق : ليه أجوزتي غير سليم ليه ماتد هوش فرصه يقابلك ويتكلم معاكي دا عايش طول السنين اللي فاتت بيحلم باليوم اللي يعرف اخبارك ويقابلك وتكلموا سوأ دا ما صدق انه عرف انك في مصر حجز ونزل يجري عشان يشوفك ويقابلك دا منزلش في موت ماما ونزل عشانك انتي انا مش معترضة انك تجوزي غيره بس كان من حقه تقابليه وتكلميه ويعرف انك نسيتي وهتكملي حياتك عشان هو كمان يكمل حياته مش يفضل مستنياكي ويوم ما يعرف طريقك يجي يتصدم انك بتجوزي غيره شروق كانت بتكلم بضيق وزعل ولين بصلها وبتسمعها باستغراب لين باستغراب : بس انا يا شروق قابلت سليم وتكلمنا و قولتلها اني نسيته ورفضت ارجع له وقولتله يكمل حياته وان انا هكمل حياتي شروق بصدمه : قبلتي سليم فين لين : في دبي كان فيه مناقصه لشركات الد*كور وانا كنت هناك وتقابلنا شروق لسه مصدومة ومش مصدقه ان سليم ما قالش ليها انه شاف لين شروق : سليم مقالش انكم تقابلتم دا جيه من اسبوع وهو فرحان وبيقول انه عرف انك في مصر وانه هينزل عشان يقابلك وترجعه لبعض لين تبتسم ليها : مهو دا سليم يا شروق مرضيش يقولك انه قابلني عشان متسألش عن الحصل مرضيش يقولك اني لما شوفته وتعاملنا اكتشفت انه متغيرش ولسه زي ما هو بيغير ويشك ويغلط في الكلام ويجرح اللي قدامه وانه لسه شايفيني حاجه يمتلكها مش من حقها تشتغل ولا تنجح وتكون موجوده في مسابقه زي اللي كنا فيها كمنافسه ليه مش من حقها يكون ليها شخصيه و career مش من حقها غير انها تحبه وتهتم بيه وتنفذ اؤمره هو وبس شروق تتن*د بحزن : فعلا سليم متغيرش عندك حق ( وتبصلها وتبتسم) بس انتي اتغيرتي يا لين وبقيتي تحكمي عقلك مش قلبك بس لين : فعلا انا تغيرت التجربة اللي عيشتها مع اخوكي مكنتش سهله وتعبت بعدها جدا لحد ما قدرت فوق ورجع لحياتي وكمل طريقي ( وتبصلها) ورامي كان معايه في كل خطوه ليه واستحملني في كل حالتي مسبنيش ولا اتخلي عني وفضل يشجعني ويقويني لحد ما رجعت لنفسي وشغلي ونجحت قدر يعرفني ايه هو الحب الحقيقي مش حب الامتلاك الاناني قدر يخليني احبه وعشق حياتي معه حبيته بعقلي وقلبي مش قلبي بس وقدر يخليني اعرف اني ماينفعش اكمل حياتي غير معه وجمبه شروق تبتسم ليها بحب : ربنا يسعدكم يا لين رامي انسان ممتاز ويستهل حبك ليه وانت تستهلي حبه ليك ربنا يكملكم علي خير و هتجوز امتي لين بابتسامه : خلال سنه ان شاء الله عندي شغل في دبي هخلص وارجع واستقر مع رامي شروق بابتسامه : بجد انتي هتكوني في دبي يبقي لازم اشوفك ونتقابل لين : هو انتي نقلتي دبي مش امجد شغله في ابوظبي شروق : مهو امجد اتنقل فرع الشركة في دبي ومروه مسافره معنا وتشتغل سكرتيرة صاحب الشركة اللي شغال فيها امجد لين بابتسامه : معقول مروه هتشتغل وهتعيش معاكي دا انتم الاتنين ماكنتوش تتفقوا مع بعض شروق بحزن : مروه تغيرت اوي يا لين وم**ورة وندمانة علي كل اللي فات ياريت تسامحيها يا لين لين : مسامحها من زمان يا شروق مروه كانت ضحيه لتربيه غلط ربنا يوفقها وتنجح في حياتها شروق براحه : يارب يا لين ( وتبصلها) هنفضل اصحاب انا وانت صح لين بابتسامه : انتي فاكره ان عندك اختيار تاني ولا ايه طبعا هنفضل طبعا اتفضلي سجلي رقمي ورني عليه يا هانم عشان اسجل رقمك ويأخذه ارقام بعض بعد ما اتصفوا ويرجعه اصحاب ويتفقه انهم يتقابلوا في دبي وتنزل شروق قدم النادي وتمشي لين وتوصل المستشفى وتسال عن دكتور يحيي وتروح ل مكتبه وتخبط دكتور يحيي : اتفضل لين تفتح الباب وتدخل بابتسامه لين : صباح الخير ممكن ادخل يا انكل دكتور يحيي بابتسامه : مش معقول القمر طالع بنهار وجي لحد عندي تعالي يا حبيبتي ادخلي لين تتدخل وتروح تسلم عليه : ازي حضرتك يا انكل سوري اني جيه من غير ميعاد وعطل حضرتك شويه دكتور يحيي : عطليني برحتك ياقمر المستشفى كلها تحت امرك قعدي يا حبيبتي ( وتعقد لين قدمه) ها طمنيني جيه زياره عاديه ولا فيه حاجه بعد الشر لين : هو فيه حاجه بس الاول حضرتك توعدني ان محدش هيعرف اللي هنقولها دلوقتي لا بابي ولا رامي ولا اي حد يحيي بقلق : اوعدك يا حبيبتي خير لين : حضرتك عارف حالتي طبعا وعارف ان نسبه اني اقدر اجيب اولاد ضعيفة لان التبويض ضعيف جدا عندي يحيي : ايوه عارف بس حالتك ممكن تتعالج ونبدأ نرفع نسبه التبويض ونعمل حقن مجهري بس لازم نعالج شويه حاجه في الرحم هتبان بالكشف والاشاعات اول ما تبدئي علاج لين بابتسامه : وانا ان شاء الله قررت ابدأ العلاج بس من غير ما حد يعرف دكتور يحيي بستغرب : ليه من غير ما حد يعرف لين تتن*د : حضرتك عارف اهلي تعبه معايا قد ايه مامي جالها ازمه قلبيه وقت اللي حصلي ومن وقتها ببتعالج من القلب وبابي حاول يتمسك عشانا بس انا عارفه هو تعب قد ايه وتألم وهو شايفيني تعبانة وكمان انا مش عاوزه اديهم امل اني اتعالج ويحطه امل علي اني ممكن اجيب ولاد وميحصليش نصيب انا لسه مش عارفه حالتي تتحسن ونسبه الحمل بتعالي ولا لا مش عاوزهم يتصادموا تاني ويزعله عشاني هم دلوقتي متقبلين حالتي مش عاوزه اديهم امل ورجع اصدمهم دكتور يحيي: طيب قولي لرامي دا جوزك ولازم يقف جمبك لين بابتسامه : انا عارفه ان رامي لو قولت ليه هيقف جمبي ومش هيسيبني بس انا عارفة ان العلاج متعب ومؤلم وانا مش عاوزه ابدا حياتي مع رامي بتعب والم ومستشفيات وكشف ورامي مش هيستحمل يشوفني تعبانة ( وتبتسم بحب) دا ممكن يخليني ابطل علاج عشان ميشفنيش بتألم وانا عاوزه اعمل اللي عليا حتي لو هتألم واتعب مش عاوزه احرم رامي انه يكون اب دكتور يحيي بابتسامه : بس رامي دكتور في المستشفى هنا وممكن يشوفك ويعرف انك تتعالجي عندي لين بابتسامه : ما انا مش أتعالج هنا انا عندي شغل في دبي لمده سنه تقريبا وانا كنت رحت مركز.......... هناك وقابلت دكتوره شاطره وهبدأ معها العلاج مع متابعه من حضرتك طبعا هتوصل مع حضرتك دايما بالميل وهبعت كل الاشاعات والتحليل اللي هعملها والعلاج اللي همشي عليه وحضرتك هتقولي رأيك طبعا دكتور يحيي : كويس اوي المركز دا كبير وناجح والدكاترة اللي فيه ممتازين وانا اكيد هتعبك علي طول طبعا ومش هسيبك لين بابتسامه : ميرسي جدا ياانكل عشان ابدأ العلاج كنت عاوزه تقرير وكل شيء يخص حالتي وقت العملية وبعدها دكتور يحيي : سهله جدا انا بحتفظ بملف كل الحالة وعمل ليهم ارقام علي الكمبيوتر بكرا ان شاء الله أحضرها ليكي وتيجي تأخذيها لين وهي بتوقف : ميرسي جدا يا انكل وانا هكلم حضرتك قبل ما اجي دكتور يحيي : طيب وقفه رحه فين اقعدي لين : اصل المفروض اني عمله مفاجأة لرامي وجية عشانه وزمانه خلص العملية دكتور يحيي بابتسامه : ربنا يسعدكم يا حبيبتي لين بابتسامه : يارب ياانكل ميرسي جدا عن ازنك وتمشي لين وهي مرتاحة وتروح لمكتب رامي ال كان مفتوح ودينا موجوده فيه وبدور علي حاجه لين تخبط وتدخل لين بابتسامه : صباح الخير دينا تبصلها اوي : صباح النور لين : هو دكتور رامي لسة مجاش دينا تبصلها من فوق لتحت وترد برخمه : لا عنده عمليه خير في حاجه لين وهي بتعقد : ميرسي انا هستنه هنا لما يخلص دينا تنفخ وتبصلها بضيق وغيره وتكلم بقلة زوق ورخمه : دكتور رامي هيخلص العملية ويروح علي طول مش هيكشف علي حالات النهارده ممكن حضرتك تشوفي دكتور تاني وتفضلي لو سمحتي اخرجي بره عشان هقفل المكتب لين تبصلها باستغراب ولسه هترد لقيت رامي دخل المكتب هو وشادي ومسك ورق بيتكلموا واول ما رفع عينه شاف لين قدمه رامي بفرحه وحب يسيب الورق ويروح عليها بسرعه رامي بابتسامه : حبيبتي ايه المفاجأة الحلوة دي ( ويقرب ويبوسها في خدها قدم شادي ودينا اللي بصت ليها بصدمه وغيره شديده) لين بابتسامه : لقيتك اتأخرت فحبيت اعملك مفاجأة واعزمك علي الفطار بره قبل ما نروح رامي بحب : احلي مفاجأة في الدنيا شادي يكح وهو بيبتسم عشان ينبه رامي لوجودهم في المكتب فرامي يبصلهم ويبتسم رامي بضحك : انتم هنا دا انا نسيتكم تعالوا ما اعرفكم ( ويبص للين ويمسك ايدها يحب) اعرفك يا لينو دا شادي ودي دكتوره دينا وبيشتغلوا معايا ويعتبرهن المساعدين بتوعي ( ويبصلها بحب ولهفه) المهندسة لين حبيبتي ومراتي شادي بابتسامه : اهلا وسهلا يا بشمهندسة نورتي المستشفى احنا كان نفسنا نشوفك من كلام دكتور رامي عنك لين بابتسامه وهي بتبص لرامي : وياتري بيقول ايه عني شادي بضحك : هو قال كتير وقال ان حضرتك حلوه بس مقالش انك حلوه اوي كده لين تضحك بصوة عالي ورامي يبصله بغيظ رامي : لا والله انت تعا** مراتي قدمي شادي بتصنع الخوف : لا والله يا دكتور دا انا بقول رائي بس رامي بغيظ :وفر رأيك لنفسك بدل ما اموتك لين تبتسم : اتشرفت بيك دكتور شادي ( وتبص ل دينا اللي واقفه تبصلها بغيرة وحقد ولين مش فهمه سبب العداء اللي في نظرت عينها ) رامي : دكتوره دينا سكته ليه دينا بتصنع الابتسامة : ابدا يا دكتور ( وتبص للين بضيق ) اهلا وسهلا لين بابتسامه : اهلا بيكي يادكتور شادي لاحظ نظرات دينا وطريقتها مع لين فقرب منها وخبطها بشويش عشان تفوق شادي : نستأذن احنا يا دكتور رامي : اوكي وخالوا بالكم من اللي قولت عليه وتابعوا الحالة طول الوقت واي حاجه كلموني فورا شادي : حاضر يا دكتور عن ازنكم (ويبص لدينا بتبريق عشان تمشي وهي تبص لرامي ولين بابتسامه مرسومه) ويخرجه بره المكتب شادي باستغراب : مالك يا دينا كنتي بتبص ل المهندسة لين كده ليه دينا بغضب : ببصلها ازي يعني كنت ببصلها عادي ولا هو لازم انفقها زيك شادي باستغراب وضيق : بنفقها ! دينا بضيق : ايوه تنافقه لما تقولها كان نفسنا نشوفك وانها حلوه واحلي من كلام دكتور رامي عنها دا اسمه ايه مش نفاق شادي بغضب : لا يا دكتوره اسمه ترحيب وحقيقه هي فعلا حلوه جدا دينا بغيره وغضب : لا حلوه ولا حاجه دي مغرورة وبارده وتمشي وتسيبه بغيظ وضيق وتروح تقف قريب من مكتب رامي عشان تشوفهم وهم خارجين في مكتب رامي اللي كان بيغير هدومه في حمام مكتبه وخرج للين رامي : انا جهز يا حبيبتي لين تقرب منه وتعدله ياقة القميص اللي مكنتش معدوله وتبصله بحب : كده بقيت جهز رامي يمسك ايدها ويبوسها ويقرب منها اوي : ما تيجي اقلع القميص وتلبسيني انتي من الاول احسن انا حاسس انه مش ملبوس كويس لين تضحك وت**ف وتمسك ايده : يلا امشي وبطل دلع يا دكتور احنا في المستشفى ويخرجه وهم بيضحكو ودينا تديهم ظهرها عشان ميشو فهاش ويقرب رامي من مكتب النيرس رامي : نريس فاطمه انا همشي ممنوع حد يتصل بيه غير في الضرورة بس مفهوم انا اجازتي لسه هتخلص بكرا مش عاوز ازعاج نريس فاطمه بابتسامه وهي بتبص علي لين اللي بدلتها الابتسامة : حاضر يا دكتور مع السلامة ويمشي رامي وهو ماسك ايد لين والكل بيبص عليهم وتقرب واحده من فاطمه سمر : مين اللي مع دكتور رامي دي عروسته فاطمه : ايوه البشمهندسه لين بنت عمه مش فاكرها سمر بصدمه : ااااه مش دي اللي كانت هنا من كام سنه وبنتها ماتت في الحضانة ( دينا كانت وقفه وسمعهم فبصت ليهم باهتمام) فاطمه : ايوه هي ايامها دكتور رامي كان هايتجنن عليها وفضل قعد في العناية جمبها لحد ما فاقت انا دخلت عليه مره لما كانت في العناية كان مموت نفسه من العياط عشناها سمر : انا فكره حالتها المستشفى كلها ايامها كانت بتكلم عليها وعلي جوزها اللي كان قعد قدم اوضتها وهيتجنن دا كان هيموت عشناها معقول اطلقت منه دا كان زي القمر وشبه مهند وبيحبها اوي فاطمه : تلقيه سابها لما عرف انها مش هتجيب عيال ما في رجاله ندله كده ( دينا تسمع كلامهم بصدمه ومش فاهمه حاجه) سمر بابتسامه : بس بصراحه هي حلوه اوي وبيان عليهم بيحبه بعض هييييييييح عقبالي يارب دينا تقرب منهم : نريس سمر تعالي مكتبي عاوزكي وتمشي دينا وتروح ورها سمر وتدخل مكاتبها دينا وهي بتعقد : اقفلي الباب وتعالي اقعدي ياسمر سمر بابتسامه : تحت امرك يا دكتوره ( وتقفل الباب وتدخل تعقد قدمها) دينا باهتمام : عاوزكي تقوليلي كل اللي تعرفيه عن لين خطيبه الدكتور رامي سمر بابتسامه : عينيه هقولك ونسيب سمر بتحكي ل دينا ونعرف بعدين دينا تفكر في ايه وفي الفندق كان الكل بيجهز عشان السفر والاء لبسه و عمله تحاول انها تخبي اثر القلم من خدها عدي بضيق : يلا مش هفضل ملطوع مستنياكي وانت قدم المراية اخلصي الاء تقوم وهي سكته وتأخذ شنطتها وأولادها وتنزل لقيت الكل وقف مستنيهم الاء وهي بترسم ابتسامه علي وشها : صباح الخير الكل بص ليها ورد بس شوشو شهقت بخضه شوشو : ايه اللي في خدك دا ايه الحصل الكل يبص علي عدي بغضب عدي : أسبقكم علي السيارة (ويمشي ويسبهم وقفين) صافي بغضب : ايه اللي في خدك دا انطقي هو ض*بك الاء بتردد وابتسامه بترسمه : ض*بني ايه لا طبعا دول الولاد كانوا بيلعبوا وخبطوني بلعبه جامد شوشو بغضب : بتكدب الاء الاء بضيق : يووووه قولتلكم ما فيش حاجه واخدت ولادها ومشيت وهم وقفين يزيد بحزن : سبوها دلوقتي متغطو عليها صافي بضيق : ض*بها وهي سكته وبدري عليه طلال بغضب : يلا نلحق الطيارة دلوقتي ولما نروح الكويت انا ليه تصرف تاني ويمشي كلهم بغضب وضيق ويروح للمطار ليرجعه للكويت ونروح عند سليم اللي قاعد علي السرير وبصص لسقف وعمل يفكر في كلام هبه وهو قاعد سمع صوت اولاد بيلعبوا قام بص من الشباك لقي اطفال بيلعبوا في الجنينة في بيت الجدة فعرف انهم رجعه المنصورة بس كان عاوز يعرف لين رجعت معهم ولا لاء ووهو وقف يبص من الشباك دخلت مروه مروه : صاحي يا سليم ادخل سليم يبص ليها بابتسامه : اه صاحي ادخلي تدخل مروه وتقف جمبه في الشباك مروه بابتسامه : بتبص علي ايه سليم : سمعت صوت لعب الولاد قومت اشوف مين دول ( ويضحك) بس تصدقي معرفتش حد فيهم كبروا ما شاء الله مروه بابتسامه وهي بتشاور من الشباك : البنت الكبيرة دي صبا بنت فاروق واخوها محمد اللي لابس ازرق دا والولد ال قمر اللي معاهم دا يوسف ابن سيلا دايما بشوفهم بيلعبوا سوأ ويوسف دا سكر ودمه زي العسل سليم يبتسم لأنه عرف ان مدام سيلا موجوده يبقي لين رجعت سليم : طلع لسيلا ما شاء الله كبروا معرفتهم مروه بابتسامه : هم الاطفال كده بيكبرو بسرعه ( وتحط ايدها علي كتف سليم) عقبال لما تتجوز وتملي البيت علينا عيال يا حبيبي سليم يبتسم بحزن ويفتكر بنته : عقبال ما نفرح بيكي انتي يا قمر مروه بارتباك : ان شاء الله يلا تعال افطر معايا محضر لك احلي فطار وتشده من ايده ويخرجوه يعقده علي السفرة سليم وهو بيبص حاوليه : هي شروق مش هنا ولا ايه مروه : خرجت الصبح بدري راحت النادي بسليم وقالت هنتقابل صاحباتها سليم : وانتي مخرجتش معها ليه مروه : انت عارف انا مبحبش الخروج ( وتبصله وتضحك) انا اصل مش عارفه انتم ازي أقنعتني اني اشتغل وخايفه جدا وحسه اني هطرد من اول يوم سليم بابتسامه : متخافيش هتنجحي دا انتي وخده شهادة وكورسات ما اخذتها وزير المهم انا عاوزك تاخد بالك طارق صاحب الشركة دا راجل مش سهل وعيونه زيغين لو حاول يضايقك او يغلس عليك سيبي الشغل فورا مروه بقلق : انت بتخوفني ليه بقي هو انا ناقصه سليم : متخافيش هو بصرحه محاولش يضايق موظفه عنده في الشغل هو في شركته جد جدا بس خدي بالك برده مروه بقلق :ربنا يستر ونروح لرامي ولين اللي قاعدين يفطروا سوأ رامي : بجد انبسطت اوي لما شوفتك قدم انا كنت هتجنن اني اتأخرت عليكي لين بابتسامه : وانت كمان وحشتني وقولت اكيد هيرجع تعبان وهينام فلحق اقعد معه شويه رامي بابتسامه : لااااااا انسي اني اضيع وقت في النوم وسيبك انا صاحي ومش هنروح هاخدك ونخرج ونتفسح لين : لا هتروح وترتاح انت بقالك 48 ساعه صاحي ( وتبصله ) رامي انت لازم ترتاح عشان مزعلش منك رامي بخبث : اممممم هنام لو نمتي جمبي لين بابتسامه : امممممممممم موافقه رامي مصدقش اللي سمعه وشرق وفضل يكح جامد ولين فضلت تضحك واديته مايه لين بخبث : اهدي مالك خوفت كده دا انا حتي مراتك يا شيخ رامي بصلها بنص عين : دا انتي بتردها لي بقي لين تضحك اوي : انت عارفة مش بحب اسيب حقي رامي بتصنع الزعل : يعني مش تنامي جمبي صح لين بتفكير : اممممم ممكن افضل قعده جمبك لحد ما تنام رامي بابتسامه : وانا مش عاوز اكتر من كده انام وانتي جمبي لين ب**وف : طب يلا كل عشان نروح وبطل شقاوة ( وتبصله باهتمام) قولي يا حبيبي هي الدكتورة دينا علي طول بتشتغل معك رامي : ايوه هي وشادي المساعدين بتوعي ليه لين : بصرحه غريبه اوي ونظرته مفهمتها ( وتبصله وتتصنع الغضب) اوعي تكون بتحبك والله ا**ر لكم المستشفى رامي يضحك اوي : حبيبتي بتغير عليا بقي لين بابتسامه : ايه مش من حقي اغير علي حبيبي وجوزي رامي يمسك ايدها : انتي من حقك تعملي كل اللي انتي عاوزها بس يا حبي لسه متخلقيتش الست اللي ممكن تخليكي تغيري عليا منها انا عنيه مش بتشوف ست غيرك لين بحب : يارب دايما افضل انا الست الوحيدة في عيونك يا حبيبي ويقدرني واسعدك ويخلصه اكل ويقومه ويخرجه بره المطعم رامي يحيط ايده في جيوبه لين : مالك بدور علي ايه رامي : تقريبا نسيت الموبيل والمفاتيح في المستشفى ( ويبصلها بضحك) طيارتي عقلي مني لين بضحك : تعال اوصلك نجيبهم احنا قريبا من المستشفى وانا هاخد عربيتي واسباقك علي البيت رامي بابتسامه : اوكي وانا هطلع اجيبهم وجي وراكي علي طول الاقيكي ومستنياني علي السرير قصدي في الاوضه لين ت**ف ووشها يحمر وتض*به علي كتفه وهو يضحك جامد وتوصله لين وهو ينزل ويبصلها : هحصلك علي طول امشي بشويش لين : اوكي ويطلع رامي جري ويدخل مكتبه ويأخذ تلفونه ومفاتيحه ووهو خارج بسرعه تكون دينا دخله مكتبه وتخبط فيه ويمسكها وتبقي في حضنه بس يبعدها بسرعه دينا بابتسامه ودلع : دكتور رامي اسفه ماخدتش بالي هو حضرتك رجعت ليه رامي : كنت نسيت موبيلي ومفاتيحي انت كنت جايه المكتب عاوزه حاجه دينا وهي بتقرب منه : كنت تعبانة وحبه انام شويه ومش برتاح غير في مكتبك رامي بصلها باستغراب : اوكي خدي راحتك عن ازنك وخرج بسرعه وسابها وقفه بتبص عليه دينا بضيق : روح دلوقتي بس هتجيلي تاني ونروح دبي وفي مكتب طارق يدخل عامر وهو بيضحك عامر : لقينها مستر طارق طارق رفع راسه وبصله : هي مين دي اللي لتقيتوها عامر يحط قدمه التليفون عليه الصور اللي اخدها لرامي لما خبط في دينا وهي في حضنه طارق يمسك التلفون يبص عليها ويضحك ضحكه عالية طارق بضحك : دا الدكتور رامي طلع شقي ويلعب بديله اهو عامر بابتسامه : بصرحه لا الجارد اللي راح المستشفى قالي انه محترم جدا ومالوش علاقه باي حد بس قال ان في دكتوره شغاله معاه شككك انها معجبه بيه والصور دي اخدها كانوا خبطه في بعض من غير قصد بس هو ولد ممتاز صور الصور بشكل يبان انهم يحضنه بعض طارق بابتسامه : حلو اوي عاوزين نوصل لدكتوره دي ونخلي حد يتكلم معها بس طبعا من غير ما نظهر احنا في الصورة ونخليها تهبط فيه كتير من غير قصد ( ويضحك اوي بخبث) عامر بابتسامه : كل المعلومات عنها توصلنا النهارده يا فندم طارق : تمام يا عامر روح انت شوف شغلك عامر : تحت امرك يا فندم ويخرج عامر وطارق يمسك الفون بابتسامه هانت يا بشمهندسة الطريق ليكي طلع اسهل مم كنت اتخيل لين وصلت قدم البيت ووقفت العربية وتليفونها رن وكان رامي لين : ايوه حبيبي رامي : انتي فين يا حبيبتي لين : لسه وصله قدم البيت اهو انت فين رامي : انا علي اول الشارع استنيني في الجنينة اوعي تدخلي بدل ما سيلا والعيال اللي عندك يأخذوك ومعرفش اوصلك لين تضحك : حاضر هستناك ندخل سوأ سلام وتقفل لين وتنزل من العربية وتقفلها وتمشي بس سليم يخرج من البيت وقتها فلين تتفاجأه بيه قدمها بس تكمل طريقها عادي وهو يبتسم يروح ناحيتها سليم يقف قدمها بابتسامه ولهفه : ازيك يا لين لين تبصله ببرود : الحمد الله يا بشمهندس سليم ازيك انت سليم يسمع كلمة بشمهندس يضايق اوي : بخير صحيح مب**ك الخطوبة لين بابتسامه : الله يبارك فيك ميرسي عقبالك سليم بضيق وغضب : قريب ان شاء الله انا رجعت عشان اخطب اصلا لين تفتكر كلام شروق الصبح فتضحك باستهزاء علي انه لسه بيكداب ومفكر انه لو قالها كده تضايق وسليم يفتكر انها ضحكة لأنها مش مصدقها انه هيخطب وانه ممكن ينساها سليم بضيق : بتضحكي ليه مش مصدقه اني ممكن اخطب واتجوز زي ما انتي اتجوزتني وسبتيني لين تبتسم : مب**ك يا بشمهندس ووهم وقفين بيتكلمه وصلت عربيه رامي اللي شاف لين وقفه مع سليم فستغرب وجود سليم واديق ان لين وقفه معه ولين اول ما شافت رامي قلقت وخافت انه يزعل وسليم ابتسم انه رامي شافهم مع بعض رامي ينزل وهو رسم ابتسامه علي وشه ويقرب منهم رامي وهو بيضم لين من وسطها بحب : اسف حبيبتي اتأخرت عليكي ( ويبص لسليم) ازيك يا سليم حمدالله علي السلامة سليم يبص لرامي وايده اللي علي وسط لين ونظرات لين اللي اتعلقت بيه فيغير جدا ويضايق سليم بضيق : الحمد الله عن ازنكم اصل ريح لخطيبتي رامي يبصله اوي ويبتسم : الف مب**ك يا سليم ربنا يتملك علي خير سليم بغيظ : تسلم يا رامي ومب**ك ليكم انتم كمان ويمشي من قدمهم بغضب وضيق ويروح علي عربيته وقبل ما يركب يبص عليهم يلقيهم دخلين بيتهم ورامي لسه حضنها فيأخذ عربيته ويسوق بسرعه وضيق وغضب لين تدخل هي ورامي البيت وهو ساكت بس ملامح وشه متغير وعند باب شقتها رامي وقف وبصلها رامي : هطلع اخد شور وغير هدومه ورح بيسها من جبينها وطالع علي طول ولين وقفت تبص عليه وهي مضايقه ودخلت شقتهم ورحت اوضتها وغيرت هدومها وقعدت علي السرير وهي مضايقه وبتفكر و قررت انها تطلع ل رامي تكلمه وتفهمه وطلعت وخبطت علي الباب وفتحت لها رشا رشا بابتسامه : انتي كنتي فين يا بنتي دورنا عليكي الصبح كتير لين بابتسامه : خرجت شويه ولسه رجعه هو رامي فين رشا : في اوضته لسه مخلص شور و داخل لين بابتسامه : اوكي هروح اقوله حاجه واجيلك رشا : اوكي هستناكي متتاخريش وتروح لين لا وضه رامي وتخبط وتفتح الباب لين : ممكن ادخل رامي كان بيلبس التشيرت فبصلها وابتسم : تعالي يا حبيبتي لين تدخل وتقرب منه وتقف قدمه : رامي انا اسفه بس انا والله لقيته وقف قدمي صدقني رامي يضمها ليه : انا اللي اسف يا حبيبتي غصب عني ضايقت لما شوفته انا بحبك اوي وغصب عني غيرت عليكي انا كنت بلبس ونزل اصالحك بس انتي طلعتي وسابقتني متزعليش مني انا اسفه يا قلبي لين تبتسم وتحضنه اوي بحب : انا بحبك اوي يا رامي (وتبعد عنه شويه وتبصله ) رامي اوعي تخلي اي حاجه او اي حد في يوم يزعلنا من بعض او يبعدك عني انا بحبك انت ومافيش في حياتي غيرك اوعي تغير من اي حد ملوش مكان لا عيوني ولا في قلبي رامي بابتسامه يبصلها بحب ويقرب منها : حبيبتي لا تلومني على غيرتي ..فهي ليست بيدي .. فغيرتي نابعه من قلبي ..لأنني احبك بجنون .. فأغار عليكي من أبسط الأمور ..من نظره من العيون .. من نسمة هواء ..حبيبتي .. كوني صبوره علي ..وعلى غيرتي ..لأنني احبك .. بعشقك بجنون ( ويبوسها بشويش) انا ممكن اغير وضايق شويه بس عمري ما هسمح لحد يبعد بنا او يزعلنا من بعض حبيبتي انا واثق فيك وعارف انك بتحبيني وانا بعشقك ( ويقرب منها ويبوسها بوسه طويله وبعيد عنها بعد فترة عشان يأخذه نفسهم وسند جبينه علي جبينها ) لين بأنفاس متقطعة : ااانا هروح اشوف رشا رامي بلهفه : لا انتي هتفضلي جمبي انت قولتي هتفضلي جمبي لحد ما نام لين تبتسم ليه وهو يأخذه من ايدها ويقعدها علي السرير ويحط راسه علي رجلها وهي تمش ايدها علي شعره وهو بصص لعينها ويفضل كده من غير كلام لحد ما غمض عينه نام وهي فضلت قعده وبصه عليه بحب اميره كانت قعده في الانتريه ومشغله التلفزيون بس مش بتتف*ج علي حاجه قعده عمله تفكر في سليم وانه هيرجع يسافر تاني ومش هتشوف بس وهي قعده باب الشقة يخبط وتقوم عشان تفتح وهبه تخرج من المطبخ هي كمان عشان تفتح اميره : خليك يا هبه انا هفتح وتفتح اميره تلقي سليم وقف قدمها اميره بفرحه : سليم ( هبه لما سمعت اميره بتقول سليم وقفت وفرحت ورجعت تبص عليهم) سليم بضيق : اميره تجوزيني ومره واحده يسمعه صوت حاجه تت**ر يبصوا يلقي هبه وقفه الكوبيات وقعت منها اميره تبصلها وتبص لسليم وهي مش مصدقه اللي سمعته ويخرج عماد علي الصوت عماد بخضه : ايه اللي ات**ر ( بس يلقي الكل سكت وسليم وقف علي الباب) عماد باستغراب : سليم! ادخل وقف كده ليه اميره تبص لسليم وهو ويرجع يقول سليم : تجوزيني

Free reading for new users

Scan code to download app

App Store Google Play

Facebookexpand_more