بناتي حياتي الجزء التاني الفصل الثالث

4973 Words

رواية ?بناتي حياتي? الجزء الثاني #بقلم_ولاءيحيي البارت الثالث عامر : تحت امرك طارق بيه طارق والصورة في ايده : عاوز معلومات عن دكتور رامي وعلاقاته في شغله وشوفلي لو ليه علاقه باي واحده كده او كده او لو فيه واحده من اللي يشتغله معه حطه عينها عليه عامر باستغراب : حاضر يا فندم بس ممكن اسال حضرتك ناوي تعمل ايه طارق بتفكير : عاوز واحده تكون قريبه منه في شغله تكون معها طول الوقت دكتوره او ممرضه وياريت لو حطه عينها عليه وعاوزه توصله فا احنا نساعده عامر : ودا هيفيد في ايه طارق بضيق : ركز يا عامر هو هيبقي تحت عنينه طول الوقت واي لحظه كده او كده نصورهم ونطلع اشاعات عليهم ان في علاقه بينهم وكل دا لازم يوصل للين لحد عندها هنا في دبي وكده يبقي المشكلة دي ووجود سليم مع لين في الشغل اللي اكيد هيضيق رامي يزود المشاكل بينهم وهي وقتها هصدق انه علي علاقه بغيرها ( ويمسك الصورة ويبص عليها اوي) هم مش هيفترقوا بسهوله ولين لو حست ان رامي ليه علاقه بغيرها هتسيبوا وتبعد عنه ونروح بيت اميره وسليم كان وصل هو وعماد وتغدو وبعد الغدا وهم قاعدين في صاله صغيره فيها انتريه بسيط سليم : الله عليكي يا هبه محدش بيعمل السمك دا زيك حلو اوي بجد واللي الرز جميل جدا احلي رز سمك اكلته هبه بابتسامه وهي بتبص لأميرة : الرز دا عميل ايد اميره هي اللي عملته هو و السلاطة سليم يبص لأميرة بابتسامه : تسلم ايدك يا ميرا انا مش مصدق انك كبيرتي وبقيتي عروسه ومهندسه قد الدنيا وكمان ست بيت شاطره اميرة ت**ف اوي وتبتسم : مش شاطره اوي يعني دول شويه رز اللي عملتهم عماد بابتسامه لأخته :ميرا بتعمل احلي اكل بس لما يبقي ليها مزاج اميره بابتسامه: وبعمل شاي وقهوه وعصير حلو اوي هاااا تحب تشرب ايه سليم : بعد الأكلة الجامدة دي نشرب شاي طبعا اميرة تقوم : ثواني ويكون الشاي جهز سليم وهو قاعد يبص حاوليه ويبتسم : البيت لسه زي ما هو متغيرش فكرني بأيام الثانوية لما كنا بنقعد نذاكر هنا في الانتريه دا هبه بضيق : مهو فعلا زي ما هو متغيرش فيه حاجه من ايام حماتي الله يرحمها ( وتتن*د وتبص لسليم وتحاول تدري ضيقها ) قولي يا سليم انت مش ناوي تتجوز تاني ولا ايه سليم وشه اتغير وعماد حس بيه فبرق لهبه عشان تسكت عماد بغيظ وتبريق لهبه : ما تقومي تجيبه فاكهه كده ولا حاجه علي ما ميرا تعمل الشاي هبه تبتسم : انا عمللكم كيكه حلوه اوي هجيب ها مع الشاي عماد : كويس برده قومي هاتيها بقي وتقوم هبه تدخل المطبخ وهي بتفكر ازي تكلم سليم بعيد عن عماد عماد يقرب من سليم : متزعلش من هبه ياسليم انت عارف الستات غاوين يحشروا نفسهم في كل حاجه سليم يتن*د بضيق : مزعلتش من هبه يا عماد انا زعلان من العملته في نفسي وحياتي عماد يبصله اوي: مالك ياصحبي ايه اللي مضايقك كده بس يقطع كلامهم دخول اميره بشاي وهبه بكيكه ويفضله قاعدين ويتكلموا ويضحكه ويفتكره ايام زمان واميره عينها مش علي سليم بس هو مش واخد باله سليم بابتسامه : بجد انا مش عارفه اقولكم انا النهارده مبسوط قد ايه من زمان مضحكت زي النهارده بجد رجعتني لأيام زمان عماد بضحك : ابقي تعالي زورنا كل يوم يا سيدي واحنا نرجعك سليم بتاع زمان سليم بابتسامه حزينة : ياريت ارجع لزمان ( اميره تبصله وتشوف الحزن اللي في عنيه بس متعرفش سببه ايه هي متعرفش سبب طلق لين وسليم ولا تعرف حكايتهم) سليم بيقوم يقف : همشي انا بقي وبجد متشكر اوي علي العزومه الحلوة دي عماد : علي فين يابني لسه بدري خليك قعد سليم : معلش يعمده انت عارف مسافر الاسبوع الجاي ولازم اجهز كل حاجه ونقفل البيت اصل هناخد مروه معنا ومحدش هيبقي هنا ومحتاج اجيب ناس تعمل بوابات وتقفل البيت كويس اميره بحزن : مسافر الاسبوع الجاي بسرعه كده دا انت لسه راجع مصر ملحقش تقعد سليم بابتسامه : اصل عندي شغل في دبي هيبدا الاسبوع الجاي ان شاء الله فلازم اسافر وكمان وامجد جوز شروق اختي لقي شغل لمروه سكرتيرة في شركه كبيره ولازم تستلم شغلها الاسبوع الجاي عماد يحط ايده علي كتفه : ربنا معكم ياسليم ويوفقكم هبه بسرعه بعد تفكير : ممكن ياسليم توصلني في طريقك لعند ماما ( وتبص لعماد) فرصه انكم هنا انت واميره وقعدين مع الولاد اروح اطمن عليها سليم بابتسامه : اكيد يا هبه هستناكي تحت علي ما تجهزي هبه بابتسامه : انا جهزه هجيب شنطتي بس ( وتجري علي اوضتها وهي بترتب افكرها عشان تفتح سليم في جوزه من اميره) عماد : معلش ياسليم هتعبك اصل انا طول الوقت بره في الشغل وهبه مش بتقدر تزور مامتها ما صدقت اني موجود مع الولاد عشان تشوفها سليم : تعب ايه ياض انت اخويه يلا سلام واشوفك قبل ما هسافر اكيد ( ويبص لأميره بابتسامه) سلام يا ميرا انا مبسوط اوي اني شوفتك وطمينني عليكي دايما اميره بابتسامه وحزن : حاضر وانت كمان متقطع بينا وتعال علي طول سليم بابتسامه : ان شاء الله كل ما هنزل هجليكم هبه بابتسامه: انا جهزت خالص يلا بينا ويمشي سليم مع هبه اللي في دماغها خطه وحبه تنفذها ونروح الفيلا عند فؤاد ال دخل الاوضه لقي مني قعده وسرحانه فؤاد : مالك يا منى بتفكري في ايه مني بضيق : قلقانه علي لين يافؤاد فؤاد : قلقانه علي لين ليه مهي الحمد الله بقيت كويسه اوي وناجحة في شغلها وحياتها مني : مهو دا اللي قلقني يا فؤاد لين **مه تكتب كتابها بس متجوزش عشان شغلها وهي ما شاء الله كل يوم بتنجح وتشتهر عن اليوم اللي قبله و وبتعقد في شغلها بشهور مسافره وبعيد عنا دي كل شغلها بقي يجليها من بلاد تانية ومشاريع كبيره بتاخد من وقتها ومجهودها وانا خايفه ل يغرها النجاح والشهرة وتفضل مشغولة وتنسي نفسها وحياتها ورامي لو هيستنها سنه مش هيستنها التانيه فؤاد بضيق : ايه الكلام دا يامني انتي لازم تفرحي انها بتكبر وتنجح في شغلها وتشجعيها ورامي عمره ما هتخلي عن لين ابدا مني : اشجعها واقف معها بس مش علي حساب حياتها يافؤاد ولا حياة رامي اللي مستنيها بقاله سنين لين لازم تستقر جمب جوزها ومعه مش تسافر طول الوقت وتغيب بشهور وتسيبه لوحده انا مش بقول انها ما تشتغل بس مش كل يوم في بلد لوحديها وتبعد عنه دي مش هتبقي حياة ومافيش راجل هيستحمل دا لين لازم تستقر وتأخذ بالها من بيتها وحياتها فؤاد يقرب منها : متقلقيش عليهم يا مني هم هيقدرو يرتبه حياتهم بطريقه اللي تناسبهم و متخافيش هم عمرهم ما هيبعدوا ولا هيسيبوا بعض مني بتن*ديه : يارب يافؤاد وفي عربيه سليم هبه بابتسامه : انا اسفه يا سليم لو كلامي عن الجواز ضايقك سليم بابتسامه: لا ابدا يا هبه مضايقتش ولا حاجه هبه بابتسامه : طيب بما انك مضايقتش بقي فقولي بجد انت مش ناوي تجوز تاني سليم بحزن : انا بعتبر نفسي لسه متجوز يا هبه انا لسه بحب مراتي ومسنتيها ترجعلي وعايش علي الامل دا هبه بصتله باستغراب : بس انا سمعت من عماد انها اتكتب كتابها علي ابن عمها سليم بضيق وغضب : هي عملة كده عشان تضايقني وتحسسني انها نسيتني بس انا عارف انها عمرها ما هتنسي ولا هتقدر تكون مع غيري ومش هتكمل الجوازه دي هي فتره وتتأكد انها ما حبت غيري فتسيبه وترجع ليا هبه باستغراب : ومين قالك مايمكن هي حبته فعلا ونسيتك وعاوزه تكمل حياتها معه هو سليم وقف العربية مره واحده بغضب وضيق سليم بعصبيه : لين عمرها ما هتحب ولا هتكون لغيري هي مش هتقدر تنساني هي بتوهم نفسها انها تقدر تبعد عني بس انا بقي مش هسيبها لحد غيري انا عارف انها بتحبيني انا وبس هبه بخوف من غضبه : انا اسفه يا سليم مش قصدي اديقك سليم ينفخ ويمسح وشه بأيده : انا اللي اسفه اني نرفزت عليكي بس انتي اصلك متعرفيش علي لين ومتعرفش هي بتحبيني قد ايه هي بس عملة كده عاوزه تأدبني عشان لسه زعلانه مني ( ويبتسم) بس انا وهي الفترة الجايه هنشتغل سوأ في دبي وهفضل قدمها ومعها علي طول وهتعمل المستحيل عشان تسامحني وعرفها اني تغيرت وساعتها هي تتأكد انها عمرها ما هتحب غيري ومش ممكن تكون مع حد تاني ويشغل العربية ويمشي بيها تاني وهبه قعده بتفكر ومضايقك بس ابتسمت مره واحده وبصت ليه هبه بابتسامه : عارف يا سليم ايه اللي ممكن تخلى لين ترجعلك وتتأكد ازي كانت فعلا بتحبك سليم باهتمام : ايه ؟ هبه : انك تخليها تغير عليك وتحسسها انك هضيع من ايدها ساعتها لو بتحبك بجد تتمسك بيك وتسيب الدنيا كلها وترجعلك سليم بصلها اوي : ازي يعني اخليها تغير عليه اعمل ايه هبه ببتسامه : مش انت بتقول انها اتكتب كتابها عشان تضايقك معني كده انها لسه بتحبك بس عاوزك تغير عليها انتي بقي العب نفس لعبتها و حسسها انك عشان هي راحت تجوزت وسأبتك وارتبطت بغيرك انت كمان تنساها وترتبط بوحده غيرها وقتها هي هتخاف تضيع منها وترجع ليك جري سليم يضحك اوي : ايه الفيلم العربي القديم دا يا هبه لين مش بتفكر بطريقه دي خالص هبه بضحك : كل الستات بتفكر كده يا سليم اي ست بتحب جوزها او حتي مبتحبش اول ما تحس ان فيه واحده ممكن تخ*فه منها بتعمل المستحيل عشان ترجعه ليها ومكنش لوحده غيرها اصلها بتبقي واخدها علي كرمتها والست متقابلش حد يمس كرمتها سليم يسكت شويه ويفكر في كلمها وبعد شويه يبصلها اوي : افرض ان كلامك صح مين دي اللي هتقبل انها تمثل دور خطيبتي هبه بفرحه انه اقتنع : ومين قال انك هتجيب واحده تمثل انت تخطب بجد وتجوز كمان عشان لين تصدق لازم الموضع يبقي حقيقي مش تمثيل لازم تجوز و تأخذها معك وانت مسافر وتشغلها معكم في المشروع وكده لين هتفضل شيفكم قدمها علي طول وساعتها تحس انك هضيع منها وتخاف ساعتها بقي هتسيب خطبها علي طول وترجعلك انت سليم بضيق : اتجوز! لا يمكن ابدا انا عمري ما اقدر اتجوز غير لين انا مقدرش اكون مع حد غيرها ابدا هبه : ممكن مابقاش جواز جواز يعني اعمل زيها كتب كتاب وبس عشان تعرف تأخذها معك وانت مسافر ( وتبصله عشان تقنعه) صدقني هي دي الطريقة اللي تخليها ترجعلك ومتفكريش في غيرك سليم بشبه اقتناع : طب ودي مين دي اللي هتقبل اخطبها وتكون بتشتغل معنا و تقدر تخلي لين تتضايق منها وتغير انا معرفش حد هبه بانتصار : ما فيش غير اميره هي اللي مناسبه ليك سليم بصدمه : اميره مين ( ويبصلها اوي) ميرا اخت عماد انتي اتجننتي يا هبه عاوزني العب بمشاعر اخت صاحبي واضحك عليها هبه : انت مش هتضحك عليها ولا حاجه يا سليم وبعدين اميره انسب حد ليك وكل الشروط تنطبق عليها اولا صغيره و مهندسه زيها زيكم يعني مش واحده اقل من لين دي مهندسه زيها بظبط هتشتغل معها مش عندها و هيبقي سهل جدا عليك انك تشغلها معك في نفس المشروع ال هتشتغل فيه انت و لين وساعتها هتبقي معك قدم لين طول الوقت واميره حلوه ورقيقه واي واحده بتحب جوزها بجد هتغير عليه منها لو لقيتها قريبه منه و ساعتها لين هتخاف انك تنساها وتعمل المستحيل عشان ترجع ليك سليم بضيق : لااااااا يا هبه اللي بتقوليه دا صعب جدا وبعدين انا كده بظلم اميره وبخون ثقة عماد اللي فتحلي بيته من سنين وواثق فيه وانا مش ممكن اخون الثقة دي واعمل كده في اخته هبه بضيق : انت كده مش بتظلم اميره ابدا يا سليم بالع** انت كده تساعدها و هتفتح قدمها مجال لشغل اوسع واكبر وهيبقي عنده فرصه انها تنجح وتثبت نفسها وتغير عيشتها وتهرب من الفقر اللي احنا عايشين فيه دا حلم اميره انها تسافر وتشتغل بره بس عماد كان دايما بيرفض لأنها لسه بنت وما ينفعش تسافر لوحدها وهي نفسها تغير حياتها وتعيش في مستوي احسن ما انت عارف الظروف يا سليم والعيشة بتعتنا عمله ازي وانت شوفت البيت وحالته احنا عايشين كلنا في شقه صغيره واميره ملهاش خصوصيه ولا مكان ولادي معها في نفس الاوضه وعماد المصاريف عليه كتير مصاريف البيت والمدارس الخاصة ومش ملحق علي المصاريف دا بيشتغل شغلتين عشان يكفي مصاريف البيت والولاد واميره بتحط مرتبها كله في البيت عشان تساعدنا مش عارف تشيل ولا تعين قرش لنفسها ( وتبصله برجاء) انت كده تساعدها وتساعد عماد كمان ان ظروفنا وحياتنا تتغير وتساعد نفسك بانك ترجع لين يعني الجوازه دي في مصلحة الكل مش مصلحتك لوحدك سليم يسكت شويه ويقول : لا يا هبه انا مش مقتنع ومقدرش اعمل كده لا في عماد ولا اميره وكمان اخاف لين تعاند اكتر لو عرفت اني دخلت حد غيرها حياتي وترفض ترجعلي هبه بضيق : انت حر يا سليم عموما انا قولتلك رائي وانت فكر كويس وشوف الصح وخد قرار ( وتبص قدمها بحزن ) بيت ماما هناك اهو نزلني هنا متشكره اوي يا سليم تعبتك سليم بابتسامه : تعب ايه انت زي مروه وشروق وتنزل هبه وهي مضايقه بس تسيب سليم محتار ويفكر في كلامها ونروح فيلا فؤاد ولين ورامي رجعه بعد ما قضوا سوأ يوم حلو اوي ورجعين السعادة والفرحة مليه قلوبهم ويدخلوا يلقي العيلة كلها موجودين رامي ولين : سلام عليكم الكل : عليكم السلام ورحمه الله وبركاته الجدة بابتسامه : حمدالله علي السلامة يا ولاد لين تبوسها : الله يسالمك يا نناه رشا بغيظ: كنتم فين كده طول اليوم رامي يخبطها علي راسها : انتي مالك يا حشريه رشا بتصنع الزعل : انت تسكت خالص متكلمش معايا تاني ابدا انا زعلانه منك دا انا اخوتك الصغننه يعني كان فيها ايه لما تفسحني معكم يا رخم لين تقعد جمبها وتبتسم : المرة الجاي يا روشي هنخرج كلنا سوأ سها بغيظ : اضحكي علينا ياختي بكلمتين هنخرج امتي وفين بقي ما خلاص احنا رجعين كلنا بكرا المنصورة وانتي كلها يومين ومسافره ورامي مستحيل هيرضي يخرجنا وانتي مش موجوده و ينشغل في المستشفى واللي يعبرنا رامي يقعد جمب لين ويحط ايده علي كتفها : وعد مني قبل ما لين تسافر هاخدكم كلكم ونتفسح مكان ما تحبو وتختاروا البنات سووا بفرحه : هيييييه يعيش رامي يعيش رامي يبتسم يضم لين ليه : كله لعيون لينو ودا بس عشان هي وعدتكم ان احنا نخرج سووا كلنا لين تبصله بابتسامه وتقوله : ربنا يخليك ليه حبيبي امير بابتسامه وهو فرحان ان شايف السعادة في عيون لين ورامي بس حب يرخم عليهم امير برخمه : ايه يا عم رامي... احنا قاعدين يا كبير ما فيش اي احترام لوجودي كده رامي يبصله بنص عين ويضم لين اكتر ليه عشان يغيظه : ايوه يعني عاوز ايه.. اعملك ايه انا امير يبصله ويرفع حاجبه : قلبك جمد بعد كتب كتاب وبطلت تخاف وعمل تحضن قدمي ولا همك الكل يضحك لين ب**وف : فين بابي سيلا ويوسف واسلام وسميه نفين بابتسامه : اسلام وسميه خرجه يشتروا حاجات عشان السفر مني : وسيلا خرجت من ساعه ومرضيتش تقول راحه فين وفؤاد قعد جوه بيلعب بلاي ستيشن مع يوسف وناسي الدنيا كلها لين بابتسامه : بابي وهو بيلعب مع يوسف بيرجع طفل صغير ويفضل يجري ويلعب زيه دا اول امبارح كانوا بيتخانقوا علي الكورة الكل يضحك علي فؤاد وحفيده اللي نسى نفسه وهو بيلعب معه رامي بابتسامه : وباباه وماما وعمي فايز فين اوعو تقوله بيلعبوا جوه معهم الجدة بضحك : لا دول سافروا علي المنصورة هم وفاروق عشان شغلهم وسناء وايمان راحوا معهم عشان يأخذ بالها منهم علي ما نسافر ليهم بكرا ان شاء الله وفضله قاعدين يتكلموا ويهزره بس وهم قاعدين تلفون رامي يرن ويرد ويقفل وهو مضايق لين : خير يا حبيبي فيه حاجه رامي بضيق : طلبني في المستشفى فيه عمليه كبيره الساعة 6 الصبح ولازم احضرها فهسافر المنصورة دلوقتي لين بخوف : تسافر بليل كده ماينفعش تستنا الصبح رامي يبوس ايدها بحب : مش هينفع يا قلبي لازم امشي دلوقتي علي ما اوصل المنصورة وشوف الحالة وجهزها لين بابتسامه : اوكي حبيبي ربنا معك بس سوق بشويش واول ما توصل تطمني عليك رامي يقوم ويشدها : طيب يلا قومي معايا جهزي الشنطة امير : متجهزها لنفسك يا شاطر ما انت طول عمرك بتحضرها لوحدك ولا بقيت صغير بعد ما تجوزت رامي يبصله بغيظ : اه بقيت صغير ونونو كمان ( ويحط ايده علي كتف لين وضمها بتملك ) و حبيبتي راضيه ومبسوطة اطلع منها انت يا رخم امير يرفع حجبه ويبص للين : اقعدي يالين وخليه يحضرها لنفسه لين تبص ليه وتبص لرامي اللي عمل وش اطفال وتصنع انه زعلان لين بابتسامه : قولتلي فين الشنطة اللي هتجهز يا حبيبي رامي يضحك ويشدها لحضنه : حبيبتي يا ناس ربنا يخليكي ليه ياقلبي ( ويبص لأمير ويطلع ل**نه ليه) امير بغيظ : بقي كده ماشي يا لين بتنصريه عليه لين بضحك : لاااا ماتفهمش صح انا مش هجهزها عشانوا عشان خاطر المريض اللي مستنيه في المستشفى الكل يضحك عليهم ورامي يأخذ لين يروح الاوضه وفي الاوضه ولين بتجهز لرامي شنطته لين : هتروح علي المستشفى علي طول واللي هتروح البيت ترتاح وتنام شويه انت صاحي من الصبح رامي يقرب منها ويضمها ويلفها ليه : هروح المستشفى يادوب اجهز الحالة وهبقي انام في المستشفى شويه قبل العملية لين بحب : ربنا يوفقك يا حبيبي وتبقي اشهر دكتور في الدنيا وخلي بالك دي اول عمليه واحنا سوأ يعني لازم تنجح فيها رامي يحضنها اوي : طول ما انتي معايا وجمبي هنجح وهبقي احسن دكتور في الدنيا رامي يحضنها وي... بس لين ت**ف لأنهم في الاوضه لوحدهم فتبعد عنه لين ب**وف ووشها احمر : اممممم احط ايه تاني في الشنطة رامي بابتسامه : حطي نفسك وتعالي معايا انتي الوحيدة اللي عاوز اخدها من هنا ( ويبصلها بشوق ) ما تيجي تسافري معايا دلوقتي وهم يبقي يجي الصبح براحتهم لين تبتسم ليه بحب : انت هتروح علي المستشفى وانا هروح البيت وهبقي لوحدي انا الصبح بدري اوي هصحيهم كلهم و هنرجع المنصورة واول ما تخلص العملية وترجع البيت تلقيني هناك ومستني نفطر سوأ رامي يبوسها في خدها : مش هاين عليه ابعد عنك لحظه واحده لين تبصله بكل حب : انت عمرك ما بتبعد عني انت دايما معايا في قلبي وعقلي ياحبيبي رامي يقرب عشان يبوسها بس لين ان**فت وبعدت بسرعه ورحت علي باب الاوضه لين وهي خرجه من الاوضه : يلا يا دكتور شنطتك جهزه مش وقت دلع ( وتخرج بره الاوضه بسرعه) رامي بغيظ : هجنني بنت الايه دي علي ما تفوت السنه دي هكون اتجننت علي الاخر ااااه اعمل فيها ايه بس ويخرج رامي ويسلم عليهم ولين توصله للعربية ويمشي بعد ما قعد يدلع شويه علي لين وبعد ما مشي بعربيته ولين رجعه جوه البيت تلقي عربيه سيلا راجعه وتوقف وتنزل منها لين بابتسامه: اهلا اهلا كنتي فين يا هانم لحد دلوقتي سيلا بارتباك : وانتي مالك يا رخمه كنتي جوزي لين : انا اهم منه يا حلوه هاااا كنتي فين اعترفي بسرعه سيلا تخبطه علي كتفها : مش هقولك يا غلسه وتدخل وتسيبها ولين تستغرب ليه سيلا مش عاوزه تقول كانت فين بس قبل ما تدخل تليفونها يرن وتلقي شوشو لين بابتسامه : كنتم لسه علي بالي من شويه شوشو: يا بكاشه بقي انتي فكرنا... انتي زمانك غرقانه في العسل ولا جينا علي بالك حتي لين تضحك : اهو بسبب قركم دا حبيبي جاله شغل ضروري ورجع المنصورة وسبني لوحدي يا حقوده شوشو تضحك اوي : احسن عشان تبطلي تنسينا المهم كنت بكلمك عشان تيجي تسهري معنا لان احنا مسافرين الصبح لين : لا مش هقدر اخرج من غير رامي شوشو بابتسامه : ايوه بقي بقيتي متخرجيش من غير حبيب القلب لين تضحك : يابنتي بطلي قر ارحميني ... مش ناقصكم شوشو : ياحبي مش قر دا حسد لين تضحك : الله اكبر من عينيكم المهم تعالوا تعشوا معنا هنا ونسهر سوا مع سيلا وامير والكل شوشو : اوكي هكلم البنات وقول لطلال ونيجي لين بابتسامه : اوكي هستناكم وفي جناح الاء تلفونها يرن وعدي كان بيلبس وخارج فبص علي التليفون لقي رقم شوشو عدي : الاء شوشو بتتصل عليك الاء جيت واخدت التلفون من جمبه ورديت : الو شوشو شوشو : احنا رايحين نتعشا عند لين هي مش هتعرف تخرج عشان رامي مش موجود هتيجي معنا الاء تبص علي عدي ال بيلبس عشان يخرج : اوكي هاجي معاكم بدل ما افضل لحالي في الجناح هجهز ولبس الولاد شوشو: عدي مش عندك الاء بضيق : لا هنا بس بيلبس وخارج لوحده ( وتتن*د بضيق) هروح البس نص ساعه وانزلكم وتقفل مع شوشو عدي : شوشو عاوزه ايه الاء وهي ريحه جناح ولادها : بتقولي اجهز عشان هنروح نتعشا عند لين عدي بلهفه: بجد طب يلا بسرعه انا جهزت الاء سمعته فلفت ورجعت ليه : جهزت لايه بظبط عدي : جهزت عشان هروح معكم نتعشا عند لين الاء تبصله اوي : هو مش انت كنت بتجهز وخارج لوحدك عدي : غيرت رائي هو مش انتي مش مقموصه اني مش بخرج لوحدي من غيركم اديني هخرج معاكم اهو ( ويبصلها) اجهزي انتي و الولاد وانا هستناكم تحت ومشي وخرج من الجناح والاء وقفه بصله بحزن وضيق الاء لنفسها : هتخرج معنا بس عشان رايحين عندها ( وتتن*د بحزن) يارب وتمشي الاء وتروح تلبس ولادها وتلبس وهي مضايقه وعمله تفكر تعمل ايه لين دخلت الفيلا لقيت سيلا قعده جمب مامتها وبتكلمها بصوة واطي ومني بتضحك ومبسوطة بس اول ما لين دخلت سيلا سكتت وبصت ليها بصه غريبه لين تقعد جمب امير ونفين وتبصلهم : ميرو هو فيه ايه سيلا مالها امير يبص عليها : مش عارف دخلت قعدت جمب طنط وتوشوشها شكلها عمله مصيبه ولا قتله قتيل لين ونفين يضحكه امير يبص لسيلا برخمه : خير يا سيلا بتقولي لطنط ايه سيلا تبصله بارتباك وضيق : وانت مالك يا غلس لين بابتسامه : والله شكلك عمل مصيبه.. انتي كنتي فين من غير ما تقولي لحد سيلا تبصلها وتسكت بس مني ترد بفرحه مني بضحك : كانت بتعمل تحليل م**وفه تقولكم انها حامل سيلا اول ما مامتها قالت الخبر عينها رحت بسرعه للين اللي كانت قامت نطه من الفرح وحضنة اختها لين بفرحه : بجد الف مب**ك يا سيلا كده تقولي لمامي قبل مني يا وحشه سيلا بتبص للين بحزن : انا لسه عرفه دلوقتي الكل يقوم يبارك لسيلا بس لين تستغرب نظرت سيلا ليها وانها ما تقولش ليها اول واحده... لين زعلت من جوها وتفتكر سيلا مكنتش عاوزها تعرف فتروح اوضتها بس سيلا تروح وراها علي طول سيلا بضيق : مالك يا لين دخلتي الاوضه ليه لين تبصلها وتبتسم بس عينها تدمع : ابدا دخلت اغير هدومي عشان شوشو والبنات جايين يتعشوا معنا سيلا تقرب من لين وتحط ايدها علي وشها : انتي زعلتي مني صح لين تبصلها بحزن : خوفتي مني يا سيلا مرضيتش تقولي ليا انك حامل وخيبتي عليا سيلا بصت ليها بصدمه ورحت حضنها اوي : خوفت عليك يالين مش منك... خوفت تفتكري ايام اللي حامل واللي ولاده وبنت خوفت ترجعي تزعلي وتتعبي لين اتن*دت براحه وبصت لأختها : ازعل وانتي حامل انتي مجنونه يا سيلا دا انتي حته مني يا ع**طة أولادك هم ولادي وفرحتي بيهم اكتر منك مليون مره سيلا تحضنها تاني ودمعها تنزل : انا ع**طة زي ما بتقولي وهرمونات الحامل بتزود العبط عندي ومش بعرف افكر انا اسفه متزعليش بس والله كنت خايفه عليك مش خايفه منك يا هبله لين تضحك اوي : انتي هرمونات العبط زياده طبيعي عندك... بس خلاص مش زعلانه بس عقاب ليكي عشان معرفتش اول واحده انا اللي هسمي البيبي سيلا تبصلها وتمسح دموعها وتضحك : لا ازعلي.. وطقي كمان كله الا اسامي ولادي محدش يسميهم غيري لين تضحك وتحط ايدها علي بطن سيلا بحب : مب**ك يا حبيبتي ربنا يقومك لينا بسلامه وتجبيلنا نونه قمر زي يوسف سيلا بابتسامه : عقبالك يا لين ان شاء الله لما تجوزي رامي وتجيبي بيبيهات كتير حلوين ويكونوا كلهم شكلي انا لين تضحك : انتي بتدعي ليا واللي عليه يا بنتي كده مستقبل ولادي هيضيع من قبل ما يجو ال شكلك ال سيلا تض*بها ويفضله الاتنين يهزره ويضحكه سووا لحد ما يسمعوا صوت شوشو والبنات فيخرجه ليهم سيلا بضحك : اهلا بالعصابة البيت منور طلال بابتسامه وهو بيبص لسيلا : الكبيرة وصلت اهلا اهلا يا معلمه سيلا تضحك اوي : محدش حاسس بموهبتي ويقدرها زيك يا طلال لين تضحك : دا مش تقدير يا سيلا دا خوف من ايدك الكل يضحك ولين تقرب وتسلم علي اصحابه وتبوسهم بس تحس ان الاء فيها حاجه لين بقلق : مالك يا الاء انتي كويسه الاء بداري الحزن اللي بقي مرسوم علي ملامحها وبتبتسم : انا بخير يا عروسه وحشتينا لين تبوسها بس حسه ان الاء مش كويسه : انتم كمان وحشتوني ( وتبص لشوشو وصافي اللي شورا ليها بعينهم انها تسيبها دلوقتي ) ويعقده كلهم سووا ويتعشوا ويهزره ويضحكه والاء قعده معهم بس عقلها في مكان تاني وعينها علي عدي بتابع نظراته وكلامه وهزاره واهتماموا بأولاده اللي مش بتشوفه منه غير في وجود لين عشان يظهر الأب والزوج المثالي ويقعدوا معهم فتره ويقوموا عشان يمشوا ولين تقوم تواصلهم هي وأمير لين بقلق : الاء شكلك مش عجبني فيكي حاجه انتي تعبانة الاء بابتسامه حزينة : ما فيش يا لين صدقيني انا كويسه لين بعدم اقتناع : هسكت وعمل نفسي مصدقي و هسيبك برحتك دلوقتي بس اعملوا حسابكم هنتقابل الاسبوع الجاي ان شاء الله وعرف كل حاجه هنعمل قعده صراحه صافي : انتي هتيجي الكويت فكرتك رايحه دبي لين بابتسامه : ما انا هروح دبي بس هجليكم في ميعادنا كل اسبوع ونتجمع سوأ انتم فكرني هسيبكم تجمعه من غيري شوشو بابتسامه : حلو اوي خالص هانستناكي ونوزع الرجالة عشان نأخذ رحتنا ويقرب يزيد وطلال وعدي ومعهم امير منهم يزيد : وفقتكم سووا ما بتريح تتفقوا علي مين ربنا يستر لين بضحك : عليكم طبعا هي دي عاوزه كلام طلال بضحك : ااااه يبقي فيها مصيبه ربنا يستر عدي بغلسه : هو فين رامي يا لين مشفتهومش يعني لين بابتسامه : اتصلوا بيه في المستشفى عنده عمليه فرح المنصورة عدي برخمه :هو دا عيب اللي تتجوز دكتور يبقى طول الوقت مشغول عنها وسبها لحالها ومش مهتم بيها ولا ببيته ( الاء تبصله وتضحك باستهزاء) شوشو بتريقي : شوف مين اللي بيتكلم عن الانشغال وعدم الاهتمام بمراته وبيته طيب خلي حد غيرك يتكلم يا عدي رامي دكتور قد الدنيا ومشغول انت بقي مبتقعدش في بيتك ليه وتهتم بمراتك واولادك عدي يبصلها بضيق وغضب : دا دكتور رامي نال الرضا وشوشو بنفسها بدافع عنه زي ما كانت بدافع عن سليم زمان الكل يبصله بضيق ولين تبص ل الاء ال بصتلها باعتذار وحزن طلال يبصله بغضب وزعيق : عدي فوق لحالك واكلم كويس عدي يبص للين ويبتسم : اسف لين انا بس خايف عليك امير بضيق يبص لعدي : مش رامي اللي يتخاف منه يا عدي علي الاقل هو في شغلوا.. مش سهران كل يوم مع واحده شكل.. وسيب بيته ومراته الاء تغمض عينها بألم وحزن من كلام امير عدي بضيق وغضب : متشكر علي العشا عن ازنكم يلا الاء يأخذ ولاده ويمشي والاء اللي تمشي وراه وهي حبسه دموعها لين بحزن : مكناش في داعي يا امير للكلام دا انت جرحت الاء وزعلتها امير يبص ليها بضيق : مكنش قصدي اضايق الاء او اجرحها ( ويبص لطلال) اسف طلال بس عدي اتغير ولازم يفوق لنفسه طلال بضيق وحزن من اخوه : فعلا امير عدي محتاج يفوق قبل ما يهد كل شيء يزيد : الله يهديه يلا بينا نلحقه عشان الاء و الولاد لين تقرب من شوشو وصافي : خالو بالكم من الاء لحد ما نتجمع متسبوهاش لوحدها صافي : متقلقيش متشغليش بالك انبسطي انتي وما تتأخري علينا هنتظرك ويمشوا وتدخل لين اوضتها وهي مضايقه وعمله تفكر في الاء لحد ما تلفونها يرن فتبتسم لين بحب : حياتي حمدالله علي السلامة رامي بيقف العربية : وحشتيني اووووي اووووي لين تضحك : لحقت اوحشك انت لسه سيبني رامي يتن*د بحب : انتي وحشتيني من اول ما غابتي عن عيني لين تضحك : انا مقدرش علي الحب دا كله قلبي الصغير لا يتحمل رامي : دا انتي بضحكتك دي اللي هتوقف قلبي لين بابتسامه : سلامه قلبك يا حبيبي.. شد حيلك كده عندك عمليه يا دكتور ركز كويس رامي : هركز وخلصها بسرعه عشان اروح وشوفك اوعي تتأخر عليه لين : حاضر يا حبيبي انا هنام دلوقتي عشان اصحيهم بدري اوي واجيلك رامي : وانا هخلص وارجع البيت بسرعه عشان اشوفك تصبحي علي خير يا قلبي احلمي بيه لين بابتسامه : وانت بخير يا حبيبي وتقفل لين ويدخل رامي المستشفى والضحكة و الفرحة مرسومه علي وشه ودخل اوضته بيلبس البالطو الأبيض يلقى الباب خبط ودخل منها مساعديه لرامي اتنين دكاترة دكتوره دينا و دكتور شادي دكتوره دينا بلهفه : حمدالله علي السلامة يا دكتور رامي رامي بابتسامه : الله يسالمك يا دكتوره شادي بفرحه : مب**ك يا دكتور رامي : الله يبارك فيك يا شادي عقبالك دينا بضيق : عروستك حلوه يا دكتور رامي بابتسامه وهو بيقعد : تقصدي حلوه بعيوني ولا بعيون الناس شادي بضحك : هي تفرق يا دكتور رامي بابتسامه : طبعا تفرق كتير جدا دينا بغيظ وغيره :تفرق ازي رامي يتن*د بحب : هي في عيون كل اللي يشوفها حلوه جدا بشهاده الكل شادي : وفي عيونك يا دكتور رامي بابتسامه : هي الست الوحيدة اللي خلقها ربنا علي الارض عينيا مش بتشوف ست تانية غيرها شادي يسقف ويضحك : الله عليك يا دكتور دا انت وقع لشوشتك دينا قعده سكته وبصه لرامي بضيق وغيره رامي بضحك بصوة عالي : ايوه يا سيدي وقع لشوشتي ومحدش سمي عليه كمان المهم يلا هاتوا تقرير الحالة والاشاعات مش هنعقد نرغي ويبدأ رامي يشوف شغله مع شادي ودينا اللي عينها مركزه مع رامي وهتموت عليه وفي جناح الاء عدي دخل غضبان عدي بزعيق : انتي السبب انتي اللي قعدا تشتكي مني للناس ومطلعه اسرار بيتنا الاء اخدت ولادها ودخلتهم جناحهم وقفلت عليهم الاء بضيق وزعيق : انت طول الطريق عمل تزعق وتتخانق وانا سكته مكلمتش بس انا لا بتشكي لحد ولا بتكلم بس انت اللي كل الناس بقيت تكلم عنك وعن سهرك والستات المق*فة اللي تعرفهم وسمعتك بقيت علي كل ل**ن لا عمل اعتبار لأهلك ولا ليا ولا لأولادك عدي غضب من كلمها وصوتها العالي رح ض*بها بالقلم وقعه علي الكرسي عدي بغضب : والله يا الاء لو اتكلمتي معي كده مره تانية صوتك عالي عليه مره تاني ل**ر ضلوعك ويخرج غضبان ويسيبها وهي تفضل تعيط علي حالها وبعد شويه تلفونها رن وكانت لين فمسحت دموعها الاء وهي بتحاول تكلم طبيعي : لحقت وحشتك انا لسه سيباك لين بقلق : قلقانه عليكي انت كويسه مال صوتك الاء :بنايم الولاد انا كويسه متقلقيش لين بعدم اقتناع : اوكي يا حبيبتي هسيبك تنيمي الولاد وكلمك تاني الاء بهرب : هكلمك انا الصبح قبل السفر ( وتصنع الضحك) اصل عدي مستنيني بعد ما نايم العيال لين تضحك : امممممممممم ايوه بقي بيصالحك اهو الاء بحزن : طبعا ميقدرش علي زعلى لين بابتسامه : ربنا يسعدكم يا حبيبتي مش هعطلك تصبحي عل خير الاء : وانتي من اهلو حبيبتي وتقفل الاء وتحت ايدها علي خدها مكان القلم وترجع تعيط علي حالها ويطلع الصبح والعيلة ترجع المنصورة ولين تدخل تغير هدومها وتتصل علي رامي ميردش فتتصل بالمستشفى

Free reading for new users

Scan code to download app

App Store Google Play

Facebookexpand_more