"Good morning, Habibi," nakangiting bati ni Jones sa kanya. May hawak itong tray na naglalaman ng kanyang pagkain. Mga paborito niyang pagkain, at tatlong tangkay ng pulang rosas.
"Good morning too," bati niya, at dagling bumangon. Pasandal na umupo sa kama. "Kumain ka na ba?"
"Kanina pa," sabi ni Jones, at marahan na inilagay ang tray sa kanyang kandungan. "Kain ka na kayo ni baby," sabi nito, at naglakad palapit ng bintana. Hinawi nito ang kurtina.
"Bakit hindi mo ako ginising?"
"Ang himbing ng tulog mo. Hindi ko maatim na gisingin kita."
Habang hinahawi ni Jones ang mga kurtina ay pinagmamasdan naman siya nang matagal ni Avria. At hindi niya maiwasang ipagkumpara si Jones sa kay Vince.
Sa dalawang buwan nilang pagsasama ay napansin niyang si Jones ay kabaliktaran ni Vince sa
