CHAPTER 35
Nang maghapon ay bumaba ako sa pool area para mahimasmasan ang buong pagkatao ko lalo't hindi pa ako maka-move on sa nangyari kagabi. Hanggang ngayon ay ramdam ko pa rin iyong init sa aking katawan.
Kung hindi nga lang siguro normal iyong pakiramdam ko ngayon ay iisipin ko nang nilalagnat ako. Ngunit hindi, dinaig ko pa iyong nakainom ng multivitamins sa sobrang lakas at ligalig ko.
Nasapo ko ang noo pagkatapos kong umahon, kasunod nang paghilamos ko sa aking mukha. Nilangoy ko hanggang dulo ng pool. Doon ako nagpahinga at literal na nakailang balik ako simula roon sa may unahan.
Habol-habol ko pa ang hininga. Malakas ang tíbok ng puso ko, bulgar na nagtataas-baba ang dibdib ko. Kung kailan medyo kumalma ako, roon nagpakita si Haris. Wala siyang saplot maliban sa kaniyang bo
