CHAPTER 36
Kung ang pagtatanan ang sagot sa lahat— sige, mag-iimpake na ako ngayon din.
Ngunit hindi, alam ko na mas magiging komplikado ang lahat. Alam ko na lalo lang lalala ang sitwasyon kapag nangyari iyon. Hindi iyon ang paraan, hindi iyon ang daan.
Hindi pwedeng maging sagot ang isa pang pagkakamali para gawing tama ang mali.
Marahas akong bumuntong hininga. I have my own ways. Hindi pa lang sa ngayon, pero sisiguraduhin ko na bandang huli ay kami pa rin. Sisiguraduhin ko na kasiyahan namin ni Haris ang magwawagi.
After all, hindi naman kami blood related. Pwede naming mahalin ang isa't-isa. Pwedeng ipaglaban at maipagmayabang ang bawat isa. Ang nagpapahirap lang sa amin ngayon ay parehong magulang namin.
Wala sa sarili nang makagat ko ang pang-ibabang labi. Natuyo na't lahat
