CHAPTER 34
"Pumunta siya?!" matinis na bulalas ni Mommy at gulat na gulat sa sinabi ko. "Sa anong dahilan? Bakit daw siya nagpunta roon? Nagkita ba kayong dalawa?"
Pasimula pa lang kami sa pagkain ngunit hindi matuluy-tuloy dahil sa pag-uusap naming ito. Simula kagabi ay wala pa akong kain kaya gutom na gutom ako, pero hindi ko naman magawang kumain nang matiwasay.
Lalo kapag ganito ang mga kaharap mo sa lamesa, nakakawalang gana. Ayoko na rin sanang sagutin si Mommy at tinatamad ako ngunit naisip ko na paraan iyon upang matahimik na siya.
At ano bang mali kung magkita nga kami ni Daddy Seb? Alam naman niyang matagal ko na siyang hinahanap. Alam niya iyong hirap ko simula noong iwan kami ni Daddy Seb.
"Silence means yes, right?" segunda ni Mommy habang mariin na nakadungaw sa akin. "B
