Chapter 26
Ariana Xiamara
TUMAHIMIK na ako hindi na sumagot. Ngunit ang huling sinabi ni Aling Helen ay hindi ko maiwasang isipin. Bakit kaya napakahigpit ni Azreal tungkol sa kwartong iyon? At bakit parang mas galit ito sa akin kaysa sa iba?
"Sige na, tapusin mo na 'yan. At tandaan mo ang mga sinabi ko," huling bilin ng matanda bago ito umalis.
Nagpatuloy ako sa pagluluto, ngunit kahit paano, ang pag–asang paaaralin ako ay nagbigay ng kahit kaunting saya sa puso ko. Maaaring mahirap pa sa ngayon ang buhay ko sa ilalim ng bubong ni Azreal, pero sa pagkakataong ito, tila may dahilan na ako upang magpatuloy at hindi sumuko.
Pagkatapos kong magluto ng sopas, maingat akong naglagay sa mangkok bago nilagay sa tray, sinisikap kong maging maingat habang dahan– dahan akong naglalakad papunta
