Chapter 11
Ariana Xiamara
NAPALINGON ako at nakita ko si Madam likuran namin. Ang matalim niyang tingin ay nakatuon sa akin, at pakiramdam ko'y unti–unti akong nauupos.
"Ano'ng ginagawa niyo rito? Sino ang kausap niyo?" Malinaw at mariing tanong niya habang dahan–dahan siyang lumapit sa amin.
Napalunok ako, pero si Chel ang unang sumagot. "Madam, wala po... Ako lang po...nag–aacting–actingan po ako na may kausap sa phone para pasayahin si Aria. Sobrang down po kasi siya... lalo na't ginawa sa kanya ni Amaya."
Napatingin sa akin si Madam, ang kilay niya'y bahagyang umangat, tila sinusuri ang bawat galaw ko. Ang matalim niyang titig ay parang espada na unti–unting sumasaksak sa kalooban ko.
"Talaga lang?" patuyang tanong niya, at mukhang hindi siya kumbinsido. Lumapit siya sa akin, ang
