ألمي وملاذي

البارت الثاني 2

السلام عليكم ??

★#ألــــمـــي_ومــــلاذي★

★البارت الثاني 2 ★

★#الكاتبه_ام_كرار★

شلون نتراهم دخيل الله شحلاتج

ملاك من السما نازل وبيج الله أبتلاني

يجنج ضحكة المتعوب يجنج قطار واني المحطة والج دوم اتاني

يجنج شمس بيج انجويت وأبصرت وضوة حروفج عماني

يصغيرة بعيني شكبرها الله يحبني وبيج أبتلاني

♡♡♡♡♡♡♡♡♡♡♡♡♡♡♡♡♡♡♡♡♡

رهف..

نزل من السيارة وهوة يضحك حضني مثل الطفلة وباس راسي..بس ماشفت ذاك الشخص الخازرني بالسيارة ويااا...

رهف:ها خالو جبتلي بطانيتي ترة هواي تعبت من بطاطينهم يجكجكن ومو مريحات ابدد..

تحول وجه خالي احمرر وضل يغمز بعينة ويعضض بشفايفة بس يريدني اسكتت..انفتح باب السيارة وطلع من عدها شاب مرتب باوع بوجهي ورفع تك حاجب وكال ..

احمد:اليوم اتعارك ويا البنات شلون ماينطوج بطانية مريحة..

اجاهلت كلامة وجهت نضراتي بتجاة خالي وصحت بصوت يوصل المسامعة..

رهف:يلة خالو وينها بس لا ناسيها..

رحت للصندوك مال سيارة وخالي وراية يعتذر..

سلطان:عذرنا ترة رهف طفلة وماتعرف شتحجي خيركم مغركهم والله بس هيا متعلقة بهل بطانية وبعد المدللة مال اهلها فمن تحجي ماتحسب حساب الاحد..

من كال طفلة وهذا خزرني من فوك ليجوة ويضحك معاجبة ابو حلك المستطيل يريد اتوبة واندمة على يوم الرجع بي...رجعتلة الخزرة وهذا قترب من يمي وسحب الجنطة مال بطانية ويحجي بثقة..

احمد:شوو خلي اشوف هل بطانية الخبصتني بيهاا..

سحبتها بقوة من ايدة ورحت وكفت يم خالي هوة عيونة صارت بكصتة شلون هيج اسوي هزز راسة وصاح..

احمد:اني اترخص اخذ راحتك انت خلي اشوف الوالدد..

عافنة وابتعدد بتجاه بيتهم واني وخالي دخلنا للبيت وماطول احنة نمشي وخالي يحجي..

سلطان:ليش هيج خالو رهف والله فشلتيني ويا الولد عيب شيكول علينة هسة..

رهف:شبيك خالو ترة ماكلت الة الحقيقة تعال وتغطة بالبطانية مالتهم وشوف شلون اجكجك وشوف بطانيتي الاصلية شلون كلها فررو ومليانة رسوم ولونها وردي يفتح النفس على نوم..

هز براسة وفات واني فتت شافت امي البطانية ضحكت ورحبت بخالي وفرشوولة السفرة وكعدنا ناكل وهوة يسولف على وضع بغداد..

ام رهف:ماسمعت شي على ابو رهف كلبي يمة وحايررة والله..

سلطان:لو اكوو خبار ماانتظرج تسألين راح اكلج فورا لايضل بالج ان شاءلله بخير هوة.. وقريبا يطمئن كلوبنا علية...

ستسلمت امي وكامت تلم بالماعين ومرت خالي وياها..شوية ارتاح وكام يريد يرجع من طلع ابو احمد رفض واصر علية يتعشئ يمهم وباجر يطلع ماكدر خالي يرفض وافق وللعشا راح يمهم مارجع لليل لف راسةونام تعبان..ثاني يوم كعدت لكيته ماموجود طالع من الصبح..

تريكت ومثل كل يوم اخذ دفتر واقلام واروح اكعد على ساكية واندمج بالرسم لو الكتابة شوية وحسيت صار صوت وراية بطبعي مااخاف ابد وعادي عندة رجعت ارسم شو صار مثل الظلمة كل ضني بت خالي حجيت بضحكة..

رهف:لاتحاولين تخوفيني مااخاف ابد عرفتج منوو..

كملت كلامي وضحكت وهية ضحكة وهية كمزا واني اسمع صوت ضحكت رجال مو بنية واني كل ضني بت خالي دائما تحاول تخوفني.. التفتت واشوف نفسة احمد ماهتميتلة ورجعت نزلت راسي مجاهلتة تماما.. ضل ال**ت سيد المكان لدقايق **ر ال**ت وكال..

احمد: ياحلوة يامدللة ياااااا طفلة شووكاعدة هنا شعندج..

باوعت علية بطرف عيني ورديت بعدم مبالات..

رهف:تحب اهينك انتَ بنية وكاعدة ليش ادخل خشمك روح منا يلة..

ابتسم ورجع كمل كلامة ولاعبالك ترزل..

احمد:امم ضايجة لان سحبت البطانية منج اكيدد بس تريدين الصدك هية مبينة حيل مريحة..

نزلت راسي ورجعت ارسم وبلامبالات رديت..

رهف:ماطالبة رأيك روح من وجههيي..

احمد:المدلله بياصف انتي..

رهف:متوسطة..

احمد:مامبين عليج.

رهف:شنوالمامبينن..

احمد:مو انتي خشنة يعني اقدر عمرج ب16..

باوعت بوجههة ورديت..

رهف:ماكو هيج حجي الضاهر من الدراسة نضرك قليل بالعامية اعمى..

احمد:ترة هواي جفصتي وهواي تحملتج احجي عدل..

رهف:ليش كاعدة اعوج بحلكيي ومااحجي عدل..كلش عدل دااحجي واذا معاجبك كلامي ماضاربتك على ايدك تجي تحجي ويااااييي..

كملت كلامي وكمت اريد اروح جرني من ايدي ورجعني..سحبت ايدي بقوة حيل ضجت من تصرفة صرخت بصووت..

رهف:مااسمحلك اطخني احترم نفسسسك عاادددد..

احمد:اعصاابج اعصاابج بس ردت اعرف الطفلة المدللة ام الجفصات شسمهااا..

ولاعبالك حجة ولاسألني عفتة ورجعت للبيت لكيت امي ومرت خالي يسولفن..

رهف:وين بنات خالو شاكر..

ام رهف:كاعدات بالغرفة وياهن بنات ابو احمدد..

عفتهن وفتت للغرفة لكيتهن ملتمات ومخليات ماعون فاكهة وياكلن سلمت وكلتلهن..

رهف:ليش ماصحتني زعلت علجن..

ردت عليه امل اخت احمد..

امل:خاف تعصبين ونقكطع شريط افكارج كلنا نخليج على راحتج..

كعدت وياهن سولفنة الى ان تعبنة وطلعنا اني وبنات خالي بعمري..ست بنات وفاء وازهار وبنان ووسارة ومها وافنان..مثل كل يوم نلعب بالبستان..من طلعت لمحت من بعيد احمد كاعد جوة شجرة وبأيدة وردة يشلع بيها رفع راسة خلة عينة بعيني..بعدت عيني من يمة وجاهلت وجودة وكعدنا نلعب ونركض ويانا ابن عمة اسمة سرمد بكدي بس ضخم شوية بس فقيرر حيل ومسيطرة علية شكول الة يكول حاضرر..

بطبعي سريعة واحنة نلعب ركيضان وكلها ماتلحكنيي...

ماكو دقايق ولتفت واشوف احمد اجة يركض بتجاهي اني من شفتة اجاني تخبلت وبعنادة حتى مااخلي يلزمني ركضت ركضة زكزاكية متعرجة اطفر مرة شمال ومرة يمين اني اركض وهوة يحاول يوصلي حتى مامنتبها شكد راكضة فقدتتت اخر شي تعب ون*د حيلة وكف وثنى ضهرة وخلة ايد على ركبات رجلة ويصرخ..

احمد:الخاطرر نبي محمد اوكككفففففف تععااييي يمعودة والله استسلم ماالززمج مااالزززمججججج...

استمريت اركض الى ان تعبت هلكتتت وكفت اريد التفت اشوفة بعدة وراية ومااحس غير انسحبت بقوة من جتفيي صررخت بخووف مفززوعة ثبتني واني تخبلت لزمتة من ايدة وعضيتة عضة خليتة يطافرر فلتني ورجع ركض كطع طريقي..

احمد:اذا ماتكعدين عاقلة هسة اربطج بالشجرة للصبح اعوفج..

رهف:وانت اذا ماتعوفني هسة اصرخ والم عليك امة محمد كلها..

احمد:صررخيي بكل علوو صووتج الله شاهد هسة واكفين بطررراف الدوانم احنة ماكو فرد بشرر يسمعج يالمدللة....

رفعت راسي ليفوك وصرررختتت بكل علوو صوتيييييي..

رهف:ســـــــــــــــــــاعـــــــــــــــــدونيييييي وينكممممممممممممم تعالووووو..

بس ماكو اي رد ستسلمت كدامة وجتفت ايدي واني شلت حقد علية بكلبي بكد السما...من شافني هيج ضحك وكال..

احمد:يلة تعالي وراية بدون صوت..

رجعت ويا واول مشافهم صاح بضحك..

احمد:اني فززت عليهاا مو متكدرون تفوزوهاا..

الكل يضحك وهوة وياهم باوعت علية وحجيت بصوت يوصل بس المسامعيي..

ـ والله وجبتها النفسك انتَ بديت والبادي اضلممممم..

عفتهم وفتت للبيت حتى غدة ماتغديت ضليت كاعدة اخطط شلون اخذ حقيي منا..للعصر فتحت الشباك وضليت اباوع شوية وطلع الابس دشداشه وسابح توة وخواتة وبنات عمة كاعدات بالبستان هوة ضل يتلفت يدور علية كل شوية يباوع بتجاه بيتنا يريدني اطلع..اخر شي تعب راح على ساكية كعد اني شفتة كعد واني اجتني الضحكة الشريرة بدون ماانتظر فتحت الباب وركضو بكل سرعتي بتجاها ودفعتة حيللل وكع بالمي هوة ودشداشتة وسبحتة هوة تخبل خنزر علية اني المااخاف خفتت التفت يباوع وشاف خواتة وبنات عمة وبنات خوالي كلهن اجنيي بتجاهنا وركض ابن عمة صاح..

ـ شيخخ احمد بيك شييي..

هوووة عافهم وطلع يركض وراية اني طكيتها بركضة وفتت للبيت ركضض..فاتن بنات خالي وراية امي من شاف*نا شتغلت محققة وهذني حجلها وكعتلي رزايللل ..ومانشوف غير على حضي فات خالي سلطان اصار بية نشف دمي واني اشوفه وهوة متخبل..

سلطان:ليش هيج خالو مو عيب الولد شيخ وانتي هيج تهيننيي كدامهم كلهمم..

رهف:هووووه والله بد....

بعدني ممخلصة كلامي صاح بية اروح من كداما عفتهم وفتت شكد رزلوني وحجو علية بس مرتاحة وفرحانة حيل حيل حيل اخذت حقي مربع..

ضليت بالبيت ماطلعت بعد ابد اخاف يغدرني واروح بيها التهيت اقرا قصص والون ارسم لو اسولف ويا امي وبنات خالي..الثاني يوم شفت الجو المتكهرب هدئ كلت خلي اطلع بس شنو لازم بية مابية اصير حذرة..

شفت سارة بت ابو احمد من بعيد اشرتلها هية والبنات يسولفن..

رهف:تعاي نسوي مرجوحة نلعب ونتونس شوية ترة مليتت..

فرحت حيل ركضت امل جابتلي حبل قووي وبساط واجاانه سرمد ابن عمهم صعد على شجرة ربط الحبل وصارت مثل الجرباية..سولتي صارت هناك يضيعوني يلكوني اني وسارة بيها حيل تعلقت بهل مرجوحة شوية شوية اطورت صرت اجيب قصصي ودفاتري واكعد بيها الساعات حتى اهلنة شكوو بينا وشتغلت المراقبة علينا اسبوع وقررنا اني وسارة نقلل ساعات ونبقة بس ساعتين ونرجع للبيت وفعلا ساعتين ونرجع..

وبيوم طلعت من البيت وبيدي كتاب قصة جديدة جابليا خالي من اجه رحت السارة..

ساره:رهوفةروحي قبلي عندي شغل شوية والحكج..

رهف:مو متجينن قبل لااكمل القصة الكاج يمي..

هزت براسها واني عفتها ورحت اني وياها مخلين عودة نصعد عليها اسلقتها وصعدت وفتحت كتابي اقرا ومندمجة البعد الحدود وسمع صوت خطوات كل ضني سارة رفعت راسي واشوف احمد اجاني من بعيد وعيونه مخنزرهن حيلللل ويكف بردانات دشداشتة نخرطت عافيتي ونشف دمي اريد اتحرك مااكدر بس انزل بسررعة انجبحح..اخخ لج رهف صادج شسوي بروحي هسة..

احمد:وكعتي بأيددي شيخلصج..

مديت ايدي اوكفة ودموع أجمع بعيني..

رهف:اوكف خليني افهمك..

احمد:شتفهممميني اليوم ماكو تفاهم..

رهف:انتَ شعرفك بمكانييي..

احمد:صارلي اسبوع ادري يعني من اول يوم سويتيها ومتحلفلج اخخ اليوم شيخلصج مني..

نزلن دموعي وحجيت بصوت يرجف..

رهف:احمد اريد انزل حباب..

رجع خنزر بقوة وصاح وهوة فاتح ايدة على عرضهن....

احمد:وبهل سهولة اخليج تفلتين بعملتج ودكتج الماتسولف..

اهنا كلت احسن حل اسوي نفسي ثولة عسى ولعل اطلع منها..

رهف:شمسويةاني صارلي سبوع كامل مشايفتك..

قلص عيونة وضل يحجي بستهزاء..

احمد:اووي خطية كلشيي ممسويةةةة هية..اي وين تريدين تنزلين..

رهف:اريد اروح هناك يم امييي...

ش*هذا شال دشداشتة وشدها مثل الواحد يريد يهجم باخر مرحلة واني من الخوف والقلق وخنزرت عينة ماتحملت بعد انفجرت ابجي بعلو صوتي هووه ضل واكف مثل التمثال لاياخذ ولاينطي مصدوم من ردت فعلي..

احمد:هااي شبيج اشاقة وياج موو قصدي والله اعصاابج..

اني بعد فقدت لاضل عناد لاعنفوان لا خجل انفجرت دموعي شلال ومااكدر اسكت حتى

التفتت على صفحة الثانية وضل يدردم بصوت شبة مسموع..

احمد:الله لايوفقني على هل عملة البنية راحت بيها..

رجع التفتلي ويحجي بتوسل..

ـ مااذيج مو قصدي داشاقة بس اسكتي رايح ومااخليج اشوفين وجهي بعد بس اهدي..

بهل اثناء اجتي سارة تركض بكل سرعتها..وهية تباوعلي بنظرات مصدومة اول مرة اشوفني ابجي..

ساره:شكد عيب احمد شلون تض*بها ومخليها تبجي شيكولون عينا العالم..

احمد:شوف هاي الثانية لج والله ماضاربها جنت احجي وياها وضلت تبجي..

سارة:لا خوية مامرجية منك عيب والله عيب..

هوة من الخجل ختل بنص هدومة..

احمد:لاتفتحين هل موضووع واني رايح خليها تسكت يمعودة صدك هاي طفلة..

عافنا وراح وسارة صعدت يمي واني زدت بالبجي..

رهف:مو كتلج تعاي بسررعة لو جاية وياي جان اخوج مااجة وبجاني هيج..

ساره:اسفة حبيبتي بس اسكتي متنعاد والله..

حاولت اهدئ بس ن**ر واهسي ونهضمت حيل عفتها ومشيت البيتنا واني اناشغ بالبجي فتت بوجهي على حمام اني بطبعي مااحب ابجي يم اي احد لان اعتبررره ضعف مو نوب ابجي يم غرريب دائما يتحداني ضجت لان لكيت شخص اعند مني وياخذ حقة بطريقة اقوئ مني..ومن ذاك اليوم بعد ماطلعت ولاسولفت ولا افترلا اضحك يجني سارة والبنات وامل يتوسلن بية اروح وياهن اني قفلتت واذا يلحن اكثر اعوفهن واختل بفراشي جوة البطانية اكعد ابجي..احمد من بعيد البعيد يراقبني من افتح الشباج اشوفة واكف كبالة بس اغلس ومااهتملة...ضلت سارة كل يوميةجايبتلي جيس حلويات وتكلي من احمد وارجعهن بيدها

وبيوم بعدني نايمة واسمع ام احمد يمنه وتحجي وياامي..

ام احمد:عيوني ام رهوفة رهف شبيها مو مثل قبل لاتطلع لاسولف وياالبنات لييش احد مضوجها..

ام رهف:اني هم شاغلة تفكيري ماعرف شبيها هل ابنيه..

ام احمد:عوفيها علية اني ادز على جارتنة تقرا على راسهاا خاف فايتات للبستان بالمغربية وهيج صاير بيها..

وفعلا كعدت غسلت بعد مراحت وماكو بس شلت الصينية فاتت هية ومراة صاحوني كعدت يمها حتى استحي اكلهم مااريد قرت المراه على راسي وامي سدتت القران بوجهي تلاث مرات..بس اني نفس حالتي رافضةكلشي..ضلن بنات خالي وبنات ابو احمد يطلعني غصب كوه حاولت ارجع اتأقلم واحمد مايكدر يقترب يخاف ارجع مثل قبل هنا ارتاح كلبي لان يستاهل..

كم يوم والكل ملتم بالبستان وصارت بخشمي ريحت التكييي اصار بية اني بيت جدي عدهم شجرة تكي الاحمر الحامض امووت علية عفتهن وضليت اتمشئ بين الشجر ادورلي على شجرت تكي ادور ادور ادور ماكو ونزلت عليهم غلط..

رهف:مايفتهمون ثولان واغ*ياء اكو مزرعة شكبرها شكدها مابيها تكي بس تفاح وموز منو كللهم احنة قرودة.

كملت كلامي والتفتت بدون ماانتبة مبتعدا هوواي وماادري اني من اخر موقف صار صارت بية خوفة ركزت اكثر شفت احمد قريب علية صاح بصووت..

احمد:لاتخاافين لاتخافييي مااسويلج شي بس ليش تغلطينن علينة ليييشششش منو كالج ماعدنا تكي تعاي ورايااا ادليججج..

اني شفتة التفتت واني طكيتها ركضة بكل ماعندي من قووة وهوة يصرخ وراية..

احمد:يمعوودة مااسويلج شيي بسسس اووكفي الله يخليج ويوفقج بس اوكفييي..

ضليتت اركض اركض مامهتمه الكلامة ابدد شديتلي محررك مو رجل شوية وصلت للطريق السريع واشوف سيارة خالي تريد تفوت ضليت اركض ورائ حتى الحك واندل مدخل المزرعة..

شوية وصلت وهوة طابك السيارة شافني وتخبل شلون ومنين اجيت عاط بية بعلو صوتة..

سلطان:رررررهـــــــــــــــــف وووين جنتييي..

وكفت اخذ نفس وكوة احجي وحجيت كووه..

رهف:لاتصرخ خالو جنت العب رياضة..

سلطان:رياضتيش بنت ال....... امشيي كدددداميييي..

صرخ على امي بعلو صوتة اجتي تركض..

سلطان:مو حالة هاي خوية يعني اني ايدي على كلبي كل مااجي اكول هسة رهف مسويتلها مصيبة..

ام رهف:انت ويااها اني هل بنية ماتاخذ كلام ابدد خبلتني عبالك عدوتها مو امهاا..

كعدني خالي ودك رززايل يمين يسار فوك تحت كلة رزايل في رزايل..

رهف:خالو رحت ادور على تكي مالكيت شفت سيارتك اجيت اركض ماكو داعي كل هل عصبية..

سلطان:رهف ماريد تتكرر اسمعي الكلام خالو لاشلعين كلبي وكلب امج حبيبتي..

هزيت براسي وفتت للمطبخ انطيتا مي واني اخذت مي شربت شوية يبس ريكي من هذا احمد الادبسزز..

ايام واني كل مااطلع واشوف احمد انهزم اخاف حيل من عنده..وبيوم طلعت امي ونسوان خوالي يغسلن ملابس اني عفتهن وضليت اتمشئ شوية وصار احمد حيل قريب من عندي ماكدرت حتئ اشرد ركضت وسلقت الشجرة كل ضنى مااعرف من شافني صعدت وسع عيونة على وسعهن مصددوم صدمت حياتة يحرام ميدري الكدامة عمامي خلوني خبيرت تسلق شجرر..

احمد:ياربي دخيلك راح تخبلني هل بنية لاتوكعين ماالزمج ولا احجي وياج بس انزلي راح اروح اني بس انزلي..

اني هنا خبلتة كل شوية امد رجلي امثل راح اوكع وهوة يكمز خاف اوكع..

ـ راح ابتعدد وانتي انززلي على كيفج لاتت**رين..

رهف:ترة اني حيل سريعة والله بس تقترب اصررخ روح بعيد حيل..

ابتعد شوية واني صرخت بي..

رهف:بابا ارجع بعد شنو هااي..ترة اصعد بعد واشمر روحي وابلييكك ارجع..

احمد:امري لله راجعع..

رجع هواي واني نزلت بسرعة وطكيتها بركضة للبيت وهوة يضحك بعلو صوتة عليةة..

للمغرب كاعدين اني وبنات خالتي واسمع صوت ام احمد يمنئ شوية وسمعتها تكول الامي..

ام احمد:عيوني ام رهف اني جاية اطلب ايد رهوفة الاحمد الولد رايدها ومشتريها ويكول اكعدها بيت وحدها ويدللها مثل مادللوها بس امرروو وطلبوو..

اني تخبلت من كالت هيج ردت اطلع اخزيهاا شلون هيج تحجي بس لزمني بنات خالي..

ـ عيب رهف العالم صارلنة اشهر يمهم شايلينة ومامقصررين تحمليي وبعدين عمة مستحيل توافق..

الحركني والصدمني والخلاني انهار جواب اميي..

ام رهف:مانلكة احسن منكم بس خلي يجي ابوها وياخذ رأيها..

ردت اهجم والبنات سدن حلكي حتى مااصرخ على اعصابي انتضرتها طلعت واني طلعت الامي اصرخ والطمم واصيح بعلوو صووتي..

رهف:ليششش يمةةة شلوون تنطيني الهل عالم معقوولة اني الوحيدة الجج تنطيني الاهل الهوووشششش..

هية تخبلت ضلت تلطمم لان اول مرة اعليي صوتي عليها..

ام رهف:صدك ماتستحين انتيي كلة مني اني كبررت راسجج وخليتج تصررخين علية من الدلال الة انطيج صددك وا**رر خشمج يارهف..

عفتها واني دموعي ينزلن على خدي وطلعت للبستان صاحت على بنات خالي يشوفني تخاف اسووي شي بنفسي لو انهزرم..ضليت اركض وهنا يركضن ورايا الى ان تعبت كعدت بالكاع ابجييي وهنا يهدأن بيه خايفة امي صدك اسوويها بيها وزوجني الهم شوية وذني ضلن ينصبن علية..

ـ راح تزوج رهف الله..

ترد عليها الثانية..

ـ اي وتكعد كل يومية تحلب الهايشةةة وتوكلهاا..

وترد عليهن الثالثة..

ـ اي وتاخذ البيض من جوة الدجاجة الله..

اني اسمعهن يحجن واتخبل بالزايد شوية وطلع احمد اشر الوحدة من البنات راحت كالتلة وهوة خرب من الضحك.. قنعني نرجع ضلن يمشن واني وراهن وفتت من يمة بكل عين وكحة يكلي..

احمد:يلة هسة مراضية من تجين يمي ارضييج ياببب...

دكيت رجلي بالكاع وركضت للبيت كلي شرر..ثاني يوم من الخنكة كلت للبنات نطلع نتمشئ ونتونس بالبستان ضلينا نمشي ونسولف نمشي ونسولف وكعدنا بنص البساتين ناكل تفاح وموز ونبك ونكرزز حب وكرزات من شفناها صارت ليل رجعنة واخخ ياربي هنا المصيبة نمشي نمشي وماكو اثرر للبيوت كلها اختفت..كعدن بنات ابو احمد وبنت عمامهم بالكاع بيهن التبجي وبيهن التلوم بنفسها وبيهن التحجي بخوف..

ـ هسة يعاقبونا ويخلونا هنا للصبح شلوون تاكلنة الجلاب ومحد يدرري..

اني عفتهن وسلقت شجرت النبك وهنا يصرخن عبالهن مااعرف..صاحت عليهن بنات خالي..

ـ عوفنها هاي قردة تعرف تسلق..

رهف:لاياقرردة..

ضليت اكل ومستمتعة وكل هل فرح والامن راح واني اسمع صووت الجلاب صرت بنصهن ابجي واصررخ اريدد امييي..

يتبع..

ياترة شراح يصير بالبنات وشنو رد فعل اهلهن اذا اذا لكووهن؟؟؟توقعاتكم...

♡♡♡♡♡♡♡♡♡♡♡♡♡♡♡♡♡♡♡♡♡♡♡