CHAPTER 11
ZHENNAIRE POV
Pagmulat ko ng mata, napabuntong-hininga ako. s**t. Nakatulog akong ka-text kagabi ang lalaking iyon. Ang manloloko. Ang Engr. na yun. Kung ano-ano na namang kalokohan ang pinapadala niya pero ayun, bago ko namalayan, nakatulog akong hawak pa yung cellphone ko. Napailing na lang ako.
Paglingon ko, nakita ko si Celestina galing banyo, bagong paligo, suot na ang uniform niya. Ang cute pa rin ng batang ito kahit antok na antok pa.
"Mommy, gutom na po ako," sabi niya habang hinihila ang upuan.
Pinagpag ko ang buhok ko at agad nag-ayos ng mesa. "Ayan na, anak. Kumain ka na ng agahan para may lakas ka sa school. Wag kang magmadali, may oras pa tayo."
Habang pinapanood ko siyang kumakain, medyo natulala ako. Naalala ko yung mga sinabi ni Engr. kagabi, mga banat niya
