CHAPTER 15 ( SLIGHT SPG? )
Lumabas na siya pagkatapos niyang sabihin iyon. Ako naman ay matagal pa bago naka- recover sa sinabi niya.
Bakit kailangan kong maghanda? May gagawin ba kaming dalawa?
Dahil ako na lang ang naiwang mag- isa sa loob ng kwarto ay lumabas na rin ako. Tanghalian na kaya naman ay pumunta na ako sa canteen para kumain. Nahihiya pa nga akong kumain doon dahil pakiramdam ko ang out of place ng suot ko. Silang lahat ay nakasuot ng pormal, at wala pa akong nakikitang nakasuot ng pang janitress na katulad ko.
Pero dahil ayaw kong magutom ay kinapalan ko na lang ang pagmumukha ko para makakain doon. Free naman ang pagkain dito.
Pagpasok ko doon ay halos lahat ay napatingin sa akin. Ang iba ay napapatigil pa sa pagkain nila, ang iba naman ay patuloy lang na nag- uusap
