INIS NA inis na tinitignan ni Jakob ang kapatid na si Elijah habang masayang nakikipagkwentuhan pa sa kanilang magulang at sa bunso nilang si Elianna. Alalang alala rito ang magulang, pero nang malaman naman na ayos lang ito ay bahagyang nabawasan ang pag-aalala ng mga ito.
Hindi makapaniwalang tinitignan ni Jakob ang Kuya Elijah niya. Paano nito nagagawang tumawa at maging masaya knowing na may tao itong nasaktan?
"Oh, Jakob, hindi ka ba uupo rito?" tanong ng kanyang ina na si Louisse na sa kabila nang maeda-edad na nitong bilang ay nananatiling napakaganda pa rin.
Napatingin tuloy lahat sa kanya kasama ang kanyang kuya. Mas nawalan siya ng gana. "Hindi na ako uupo, mukha naman kayong masaya r'yan eh," nagdadabog na umakyat siya ng hagdan.
Nagalit naman sa kanya ang ina. "Aba't ang ba
