Aiden's POV
Pinagmasdan niyang mabuti ang natutulog na si Carmella. Nakatagilid ito at nakaharap sa kanya ang maamo nitong mukha. Naka-expose din ang isang dibdib nito. Ilang beses niya itong inangkin kanina sa ibaba, sa swimming pool, sa upuan, papasok sa loob ng bahay hanggang sa makarating sila sa silid, kaya hindi na siya magtataka kung pagod na pagod ito at mahimbing ang tulog.
Naupo siya sa kama habang nakatingin kay Carmella. Marami siyang iniisip na problemang kakaharapin pagbalik nila sa San Miguel. Una ang Mama niya. Alam niyang simula pa lang ay ayaw na ayaw na ng Mama niya kay Carmella dahil isa itong Perez, pamilya ng mga kaladkarin at mga kabit. Pero anong magagawa niya kung may damdamin na siya kay Carmella? Anong magagawa niya kung hindi na niya kayang pigilan ang narara
