Kinabukasan nang magising si Jeffrey, nananakit ang kaniyang ulo at parang binigiyak iyon. Hindi niya alam kung paano siyang nakatulog kagabi, basata ang alam lang niya nakatulog siyang masama ang kaniyang loob. Dahan-dahan siyang bumangon saka naupo sa gilid ng kaniyang kama. Sapo-sapo niya ang kaniyang ulo habang nakayukyok at nakapikit. Ni hindi niya iniangat ang kaniyang ulo nang bumukas ang pintuan ng kaniyang silid. Kaya nang may maglapag ng tray sa kaniyang mesa at naupo sa kaniyang tabi ay doon lang siya lumingon dito.
Nakangiting mukha ng kaniyang ama ang kaniyang nabungaran, habang nanunubig ang mga mata nitong nakatingin sa kaniya. Hindi na niya napigilan ang kaniyang sarili at siya na mismo ang yumakap sa kaniyang ama. Gumanti naman ito nang pagkakayakap sa kaniya at narinig p
