Dumating na nga ang araw kung kailan ang alis ni Kristine. Maaga pa lang ay nagtungo na si Jeffrey sa bahay ng lola ng dalaga, upang magpaalam sa huling pagkakataon kay Kristine. Ayaw sana niyang makita ang pag-alis ng kasintahan, pero hindi rin naman niya kayang hindi makita ito sa kahuli-hulihang pagkakataon.
Nasa balkonahe sila ngayon at magkatabing nakaupo sa mahabang upuang naroon, habang magkayakap. Kanina pa sila nag-iiyakan ng kasintahan habang nasa ganoong ayos.
“Babe, mag-iingat ka palagi roon ha? Huwag kang mag-alala, may mga paraan naman na ngayon para magkausap tayo ng madalas eh,” mayamaya’y aniya sa dalaga.
Pilit niyang pinapalakas ang loob nito at pinapasigla ang kaniyang boses para hindi na ito malungkot. Kahit pa, ang totoo maging siya ay nalulungkot din sa pag-alis n
