NIKAY
Naghuhumiyaw ang utak ko dahil hindi ako makapaniwala na hinahalikan niya ako. Gusto ko s'yang pigilan pero parang wala akong lakas. Para na naman akong naparalisa at kahit gusto ko gumalaw ay hindi ko magawa dahil sa shocked.
Pumikit ako dahil baka hindi ito totoo. Na baka nakatulog lang ako at panaginip lang ang nangyayari. Pero tuluyan kong nakumbinsi ang sarili na hindi lang ito basta panaginip dahil kasabay ng pagkapit ko sa pants ko para dito kumuha ng lakas dahil unti-unti na akong nanghihina ay naramdaman ko ang paggalaw ng labi niya sa labi ko. Hanggang sa naramdaman ko ang kamay niya sa leeg ko na umabot sa batok ko. Kinabig niya ako dahilan para mas lalong maglapat pa ang aming mga labi.
Totoo ba? Totoo bang hinahalikan niya ako? Bakit parang hindi ko mapaniwalaan?
