Padabog kong inilapag ang mga gamit ko sa desk nang makapasok ako sa sarili kong opisina. Pakiramdam ko ay gustong sumabog ng aking dibdib dahil sa nakasalubong kong empakta kanina.
“Nararapat lang iyon sa kaniya. Masyado kasi siyang–hay!” nanggigigil kong bulalas nang hindi na matapos ang sasabihin matapos kong mapatingin sa pinto. Sunud-sunod ang naging katok doon. Akma ko nang pipihitin ang doorknob nang mabilis na iniluwa niyon si Thea.
Kaagad na naglaho ang kaba ko nang masilayan siya.
Sinulyapan niya ang pinto nang tuluyang makapasok saka muling tumingin sa akin at nagsalita. “Nakita ko ang nangyari sa iyo kanina sa entrance. Hindi mo ako napansin kasi nagmamadali ka. Sino ba ‘yon?”
Tumalikod ako at inayos ang mga gamit ko sa desk sabay sagot. “Si Shaina, classmate ko dati. Dat
