Bago pa man ako makahakbang, kaagad niya na akong hinarang. Mataman ko siyang tinitigan.
“Hindi mo ba alam kung anong kompanya ang pinasukan mo?” tiim-bagang niyang tanong na nagpataas ng aking kilay.
Taas-noo naman akong sumagot, “Of course.”
He smirked. “Talaga? Hindi ito tulad ng pawnshop, maliit na bangko o ‘di man ng restaurant. Isa itong kompanya na may mataas na antas sa larangan ng negosyo.”
“Hindi mo na kailangang sabihin pa,” saad ko nang lagpasan siya. Mabilis niya akong pinigilan sa aking braso dahilan para mapahinto ako.
“Sabihin mo, may relasyon ba kayo ng William na iyon?” muli niyang tanong nang mamula-mula na ang kaniyang mukha.
“Bakit, ano ba sa tingin mo?” salubong ang kilay na tugon ko nang halos hindi makapaniwala sa kaniyang katanungan.
Mas humigpit pa ang kani
