NAGMAMADALING bumaba ng taxi si Megumi nang humimpil sa Petra's Greenhills. Doon ang usapan nilang magkikita nina Phoenix at Ace. Galing siya sa Japan Embassy para asikasuhin ang papeles. Mandatory iyon para sa mga tulad niyang foreigner. Babalik siya sa Japan kahit na wala sa kanya ang kuwintas. Haharapin niya ang galit ng kanyang ama.
Pagpasok niya ay wala pa rin sina Phoenix. Fifteen minutes na siyang late pero nauna pa rin siya sa mga ito. Baka nag-shopping pa ang mga ito. O kaya naman ay hindi makapag-park. Tatawagan na sana niya ito para sabihing naroon na siya sa meeting place nila nang makitang niyang palapit si Paolo sa kanya.
Mabilis niyang ipinasok sa loob ng bag ang cellphone at tumayo. Subalit bago pa siya tuluyang nakalayo ay naharangan na siya nito.
"Megumi," malumanay ni
