Seven years ago

Isa ako sa mga napili ng pinsan ko na maging abay sa kasal niya. Kakarating lang ng mga invitation cards kaya tinignan ko ang mga pangalan ng imbitadong guests para makita kung may mga kakilala ba ako. Upon checking, nakita kong kilala ko iyong iba pero kadalasan ay 'di pamilyar sa akin. Kasali ang kapatid kong lalaki kaya sigurado akong siya ang magiging partner ko. Dumating ang araw ng kasal, isang beach wedding at church wedding ang magaganap. Sa pictorial pa lang ay may nakakuha na ng atensiyon ko. Matangkad ito, moreno at hindi maipagkakailang guwapo. Ewan ko ba pero simula nang makita ko siya ay 'di na maalis ang tingin ko sa kan'ya. Hanggang sa simbahan, beach at reception ay nasa kan'ya ang atensyon ko. May mga pagkakataon na nahuhuli niya akong nakatingin sa kan'ya pero nagpapatay-malisya na lang ako. "Selea, hindi halatang sobrang crush mo siya 'no?" sarkastikong saad ng aking isip. Uwian na nang magkaroon kami ng pagkakataon na magkausap ng pinsan ko kaya agad kong sinabi sa kan'ya ang nararamdaman ko. "Cous! Nakita mo ba iyong poging lalaki kanina? Oh my gosh! Sobrang crush ko siya," saad ko habang kinikilig. "Alam ko, kahit malayo tayo sa isa't isa ay kita at ramdam ko iyon. Iyong mga titig mo sa kan'ya? Halos matunaw nga 'yong tao e," natatawang sagot nito. "Ganoon ba ka halata? Nakakahiya naman," saad ko sabay pinamulahan ng pisngi. "Alam ko pangalan noon, family friend siya nila Tita and I guess kilala rin ng parents mo iyong parents niya. Lagi ko kasi silang nakikita tuwing may okasyon sa bahay nila Tita." Saad naman nito. "O-M-G talaga! Ang laki ng chance na maging kami," saad ko habang kinikilig. "Huwag ka masyado umasa, pero ang pangalan noon ay Kiel Monsolo. Search mo agad social media account niya tapos add mo." Suhestiyon nito. "Hmm, sige! Thank you pero hindi ko pa siya ngayon i-a-add, baka kasi isipin niya na I stalked him after the wedding. Next week, I will surely add him." Excited na sagot ko. "Okay, update mo agad ako kapag na-confirm ka na ha?" Saad nito sabay nginitian ako. "Let's see next week," saad ko na may malaking ngiti.