Ang daming nangyari, iyong mga bagay na gusto ko iwasan ay nangyayari na. Hindi pa rin mawala sa isip ko iyong nangyari kanina, napahawak ako sa aking labi nang maalala ang halik na 'yon.
"Hayaan mong ligawan kita ay ipakita sa 'yo na sincere ako."
Ito iyong paulit-ulit na bumabalik sa isipan ko, hindi ko talaga akalain na isang araw mangyayari iyong mga imahinasyon ko lang.
"Totoo ba talaga 'to?" tanong ko sabay mahinang sampal sa aking sarili.
Wala na, alam na talaga ni Kiel iyong totoo. Ang hirap kasi talagang itago e, tapos panay pa iyong tanong niya kung bakit iba iyong treatment ko sa kan'ya at kay Andrei.
"Paano ako makakatulog nito ngayon?" saad ko sabay nagpaikot-ikot sa higaan ko.
Magkahalong saya at kaba ang nararamdaman ko ngayon, saya kasi nalaman kong may nararamdaman n
