“Jaiyana, paano sila nakapasok sa loob ng safehouse mo? Naiwan mo bang nakabukas ang pinto? Akala ko ba hindi basta-basta napapasok ‘tong safe house mo? Ano’ng nangyari?” sunod-sunod niyang tanong sa babaeng nakapikit habang nakasandal sa pader na bumubulusok pababa. "Jaiyana, ano ba? P'wede bang sagutin mo ang tanong ko?"
Paghinto ng sinasakyan nila na parang elevator ang datingan ay saka lang ito nagdilat ng mga mata.
At bago sila humakbang palabas ay hinubad muna nito ang suot nitong bullet proof vest at mabilis iyon na isinuot sa kaniya.
“Bakit sinusuutan mo ako ng ganito, Jaiyana?”
“For your protection,” seryoso nitong sabi.
“I don't need this,” aniya at akmang huhubarin sana pero hinawakan nito ang kamay niya para pigilan siya.
“We don't have enough time, Jordan. You need to
