“Yumuko ka!” utos sa kaniya ng babaeng puro peklat ang mukha. Sa laki ng peklat nito ay halos mabura na ang mukha nito.
“B-bakit? Bakit ako yuyuko?”
“Basta! Bilisan mo!” Mabilis niyang sinunod ang utos ng babae kahit pa nga hindi niya alam kung bakit siya nito pinapayuko.
“Bakit ba kasi kailangan kong yumuko?” Nabigyan ng kasagutan ang tanong niya nang makarinig siya ng sunod-sunod na putok at kasabay noon ay ang pagkabasag ng flower vase sa likuran niya.
“Ano ba’ng nangyayari? Ipaliwanag mo nga sa akin kung ano ‘tong mga nangyayari! Mga kaaway mo ba sila? May utang ka ba sa kanila? Bakit ba ako nadadamay, eh, wala naman akong alam dito?”
“Yumuko ka lang sabi, eh!” sigaw nito sa kaniya.
“Ipaliwanag mo muna sa akin ang mga nangyayari dahil wala akong naiintindihan.”
“No!” Imbes na
