“Jordan, aalis kami sandali ni Kanor,” paalam ng Yaya niya. “Ikaw na muna ang bahala rito.” Pinasadahan niya ng tingin ang dalawa mula ulo hanggang paa tapos balik sa mga mukha nito. “Pasasalubungan ka na lang namin ng pagkain mamaya. Ay, dalawa pala kayo ni Petra."
“Ang ganda mo yata ngayon, Yaya,” puri niya rito. “Parang magpapakasal kayo sa mga porma niyo ngayon, ah.” Pareho kasing nakaputi ang dalawa. Hindi niya alam kung magpapakasal ba ang mga ito o makikilibing. “Saan ang punta niyo, Yaya, Mang Kanor?”
Nakasimangot si Mang Kanor na tumingin sa kaniya habang kumakamot ito sa ulo.
“Ano ka ba naman, Kanor!” Hinampas ito ng Yaya niya. “Hindi ka na natigil sa kakakamot! Marami ka bang kuto? Kanina ka pa kamot nang kamot kaya magulo na tuloy ‘yang buhok mo!"
“Ayaw ko nga kasing sumam
