Pagpasok pa lang nila ni Petra sa gate ay halos nakatingin na sa kanila ang lahat.
Animo'y mga artista sila na binayaran para maging guest sa birthday party ng kambal.
Ang mga kaibigan niya ay laglag ang mga panga habang palipat-lipat ang tingin sa kanilang dalawa ni Petra.
Halatang iniisip ng mga ito na kasintahan niya si Petra at sigurado din siya na iniisip din ng mga ito na nababaliw na siya dahil pinatulan niya ang kagaya ni Petra na mukhang hindi gagawa ng maganda.
Napatingin siya sa babaeng katabi niya na palinga-linga sa paligid na akala mo ngayon lang nakakita ng mga batang nagkakasiyahan.
“Señorito, p'wede ba akong kumuha ng isang bilog?” tanong nito sabay turo sa mga lobo na nakalagay sa paligid ng garden. Sa garden kasi ginanap ang birthday celebration ng kambal. “Ay,
