“Mang Kanor, ayos lang po ba kayo?” nag-aalala niyang tanong. “Bakit naman kasi ibinigay niyo ‘yong susi kay Petra? Alam niyo naman na walang magandang gagawin ang babaeng ‘yon, eh.”
“Nagtiwala ako dahil sinabi niya sa akin na marunong na marunong siyang magmaneho, Hijo,” sagot nito habang nakangiwi. “'Yon pala, marunong siyang magpahamak. Depungal! Ang sakit tuloy ng balakang ko.”
“Naku po! Alam niyo naman ang karakas ng babaeng ‘yon, ‘di ba? Kaya nga po tayo lumayo para umiwas sa disgrasya tapos kayo naman parang hindi nadadala.” Napabuga siya ng hangin. “Ano po'ng nararamdaman niyo ngayon? Nahihilo po ba kayo?”
Nagawa pa nitong ngumiti sa kaniya. “Ayos lang ako, Hijo. Wala ‘to. Medyo sumakit lang ang balakang ko.”
“Gusto niyo po bang dalhin ko kayo sa hospital?”
“Naku, hindi na!” t
