“Ang aga mo naman yata ngayon, Jordan? Ngayon ka lang nagising ng ganito kaaga, ha? May problema ba?”
Hindi na ‘ka mo siya natulog dahil hanggang ngayon ay nagtataka siya kung bakit parang wala man lang nangyari kay Petra matapos nitong uminom ng detergent powder. Nakakailang timpla na rin siya ng kape pero hanggang ngayon ay hindi niya pa rin maisip-isip kung anong klaseng tao si Petra at kung anong sikmura mayroon ito.
Nagawa pa kasi nitong kumanta-kanta at sumayaw-sayaw kagabi sa kabila ng lahat.
Kung siya kasi ang gumawa no'n ay paniguradong magbabakasyon siya ng isang buwan sa ospital.
Hindi kaya alien si Petra?
“Yaya, nasaan po si Petra?” mahina niyang tanong sa Yaya niya. “Wala ba siyang sakit?”
Sa tuwing hinahanap niya si Petra sa Yaya niya ay sumasama agad ang hitsura nit
