HINDI nabura ang simangot sa mukha ni Andrew kahit na pagpasok niya sa loob ng operating room kung saan naroon ang anak nina John Paul at Raven. Sobra siyang naiinis at nagagalit. Alam niyang hindi dapat pero hindi niya mapigilan ang sarili. Hindi rin niya maipaliwanag kung ano ang talagang ikinaiinis at ikinagagalit niya.
Habang nasa proseso ng gowning at gloving ay inilibot niya ang paningin sa paligid ng OR. Kahit na paano ay ikinatuwa niyang makita ang pinakamahuhusay sa loob ng operating room na iyon.
“I’m sorry for getting in your way, Dr. Madison,” sabi ni Andrew sa pormal at magalang na boses habang palapit sa OR table. “It’s my lawyer’s kid and she requested for me.”
Hindi madalas na magbigay-galang ni Andrew sa mga kapareho niyang doktor. Walang gaanong may gusto sa kanya buko
