ANG SABI ng marami, things happen when you least expect it. May paraan ang buhay at tadhana na sorpresahin ka. Kung kailan ka hindi handa, saka naman mangyayari ang mga bagay na pinaghahandaan mo sana. Kung kailan wala kang kamalay-malay ay saka mangyayari ang mga bagay na gabi-gabi mong ipinagdarasal na huwag mangyari.
Maghahating-gabi nang makatanggap ng tawag si Raven mula kay John Paul. Frantic ang matalik na kaibigan at halos hindi niya maintindihan ang mga sinasabi. Hindi iyon ang unang pagkakataon na narinig niya ang ganoong tono ni John Paul kaya naman parang gusto niyang matakot. Si Ethan lang ang palaging dahilan ng pagkakaganoon ng kaibigan. Nawala agad ang lahat ng antok sa sistema ni Raven nang marinig ang salitang aksidente.
“Slow down, JP. Please calm down. Kahit na sandal
