Nasa ganitong posisyon kami nang marinig ang pagdating ng mga nagrorondang tanod. Doon ko lang din naalalang kanina pa nakayakap si Christian sa akin kaya mabilis akong kumalas mula sa kaniya. Ramdam ko ang tingin na nagmumula sa mga kapitbahay namin.
“Ano’ng nangyari dito?” tanong ng isang tanod.
“That asshole harassed Zairah! Ikulong ni’yo ang gagong iyan!” galit na sagot ni Christian. Mabilis siyang hinagod ng tingin ng mga tanod at halatang tila kinabahan ang mga ito sa presensiya ni Christian.
“Huwag naman, Sir… lasing lang si Dino kaya–”
“Lasing?” putol agad ni Christian sa isang kainuman ni Dino na sasagot sana. “Ano kaya ang posibleng nangyari kung hindi ako dumating? O baka naman magkakasama kayo at pinagbalakang gawan ng masama si Zairah?”
“Aba, teka! Matalas ang dila mo, ah
