Buong gabi na hindi ako nakatulog.
Paikot-ikot ako sa kama sa guest room, iniisip ko ang lahat-lahat ng nangyari kanina. Ang mga salita ni Christian, ang galit niya, ang pagbigat ng hangin sa pagitan namin, lahat ‘yon ay parang naka-ukit na sa isip ko.
"Ang labo mo, Christian," bulong ko sa sarili ko, habang nakatitig sa kisame.
Gusto kong intindihin siya, pero paano ko nga ba maiintindihan ang isang taong hindi rin naman kayang magpaliwanag? Ni siya nga mismo ay hindi alam kung paano sasabihin ang gusto niya?
Pagdating ng umaga, kahit wala pang liwanag sa labas, bumangon na ako. Hindi ko na rin naman magagawang matulog kahit pilitin ko pa. Kinuha ko ang bag ko at inayos ang sarili, pero nagdadalawang-isip pa rin ako kung pupunta ba ako sa kaniya.
Naglakad ako papunta sa kuwarto ni Ch
