Back to the Present Time…
Zairah’s POV
“Bitawan ni’yo akong mga demonyo kayo! Ano ba?!” patuloy ang sigaw ko habang nagpupumiglas. Hirap na hirap ako kasi may humahawak sa mga kamay ko, at pati rin sa mga paa ko.
“Mukhang tiba-tiba tayo rito, mga pare! Simot-sarap ito! Ang ganda-ganda na nga, ang kinis-kinis pa! Mamaya ka lang sa akin, baby! Pasisigawin kita sa sarap!” sabi ng lalaking may buhat-buhat sa akin. Lalo naman akong nakaramdam ng panghihilakbot at bumaha na ang luha ko sa takot.
“Pakawalan ni’yo na ako, parang awa ni’yo na!” pagsusumamo ko sa kanila. Mukhang mga halang ang kaluluwa ng mga ito at walang takot na gumawa ng karumal-dumal na krimen. Parang hindi lamang sila mga lasing kung hindi tila mga lulong din sa droga.
“Nasaan na ba iyong sasakyan, Logan? Saan ipinarada?”
