*****
Emilio
Hindi naman talaga ako totoong galit kay Lukas pero nagtatampo lamang ako sa kanya. Akala ko kasi ay mahal na niya ako kagaya ng pagmamahal ko sa kanya. Katulad ko na napagsasabihan ko na siya ng mga bagay na bumabagabag sa akin. Pero kanina ay talagang nainis lamang ako sa kanya ng ayaw niya pa ring sabihin ang kung anong problema kay Jenny. Kaya naman minabuti ko na lang na umalis kanina ng nagtatampo pa rin sa kanya.
Sa meeting na pinuntahan ko ay halos wala rin akong naintindihan dahil lumilipad pa rin ang isipan ko. Nakikipagbalikan kaya sa kanya si Jenny? O kaya naman kinukuha kaya niya ang kanilang anak?
Matapos ang meeting ko ay naglunch na ako pero parang wala naman akong gana ng ihain na sa akin ang inorder ko. Sa huli ay halos nakatatlong subo lang ata ako at um
