BUHAT-BUHAT na pa bridal style ni YoRi si Maya na habang yakap-yakap nito ang sarili dahil sa panlalamig na nararamdaman nito, matapos itog mababad ng ilang oras sa tubig. Tinatahak ni YoRi ang daan papunta sa dala niyang kotse habang panaka-naka niyang tinitingnan si Maya na nasa bisig niya.
“Ayos ka lang ba?” tanong ni YoRi na dahan-dahan na ikinatingala ni Maya dito dahil sa unang pagkakataon ay kinausap siya nito ng walang kalamigan sa boses nito. Tinanong na siya ni YoRi sa mabining tinig na ginagamit nito pag sina Aling Luisita ang kausap nito.
“A-ayos lang ako, nilalamig lang.” sagot ni Maya ng bigla niyang maalala ang nakita niya at nadaanan nilang mga walang buhay na katawan sa abandonadong building na pinagdalhan sa kaniya.
“I-Ikaw lang ba mag-isa ang pu-pumatay sa mga kasama
