"Meow..." Unti-unting nagmulat ang mga mata ko nang maramdaman ang mabalahibong kumukuskos sa mukha ko. "Meow..." Paulit-ulit din ang tunog ng pusa na naririnig ko.
"Uhm..." Inangat ang kamay ko at kinapa ang bandang mukha. Nahawakan ko agad ang ulo ni CJ, hinimas ko iyon hanggang sa tuluyang bumukas ang mga mata ko. "Anong ginagawa mo sa mukha ko? Ang aga-aga pa, nambubulabog ka na." Inaantok na wika ko at napahikab. Pinantakip ko sa bibig ang kamay kong hindi nakahawak kay CJ.
Sa totoo lang, nakakaantok pa. Tamad na tamad pa akong bumangon dahil sa lamig ng panahon. Kaninang alas tres, nagising ako para hugutin iyong kumot ko na hindi ko naman ginagamit. Hindi kasi ako iyong tipo ng tao na mahilig magkumot kahit na normal lang ang panahon. Ginagamit ko lang ito kapag talagang hindi k
