"Magpahinga ka na muna, magluluto ako ng meryenda natin." Tumayo siya mula sa kama at inunat ang dalawang braso niya.
Yumakap ako sa binti ko at saka tumango. "Okay."
"Okay ka na ba?"
"Okay naman talaga ako kanina pa," mahinang wika ko.
Bumuntong-hininga siya. "Oh, sige na. Magluluto muna ako, lumabas ka mamaya kapag nakatapos ako. Dalhin mo si CJ."
Tumango ako. "Okay."
"Balak mo na akong i-spam ng okay?" Kumunot ang noo niya.
"As if naman may iba akong pwedeng isagot," nakangusong sabi ko.
"Mayroon, ah? Katulad na lang ng..." Tumikhim siya. "Yes, honey." Ginaya niya ang boses ko.
Napangiwi ako. "Same meaning lang naman ang okay at ang sinabi mo."
"Magkaiba sa pandinig ko. Iyong okay, wala ng natitirang pagmamahal. Pero iyong sinabi ko, punong-puno ng pagmamahal,"
Pina
