Simula ng malaman namin ni Tine na nakatakas sa kulungan ang lalaki na nagtangka na dukutin si Dreau ay hindi lang doble at triple ang naging pag-iingat namin.
May marinig lang kaming kaluskos sa labas ng bahay ay agad na namin hahawakan ang mga dos por dos na kahoy na sadya naming inihanda para sa hindi inaasahan na pangyayari. Alerto kami sa paligid lalo na sa mga taong hindi naman pamilyar.
Ang hirap pala talaga ng ganito ang sitwasyon. Hindi mo alam kung may kalaban ba na aatake o sadyang kinakain ka lang ng sarili mong takot.
"Nay, ang dami ko pong stars na nakuha!" buong pagmamalaki ni Dreau na ipinakita ang kanyang dalawang kamay na may mga nakatatak na stars hanggang sa kanyang braso.
Narito ako ngayon sa harap ng isang maliit na day care center kung saan nag-aaral ang mga an
