"Mga anak, huwag kayong lalabas ng gate. Dito lang kayo maglaro sa loob ng bakuran natin. At huwag masyadong maingay dahil baka tulog pa ang mga kapitbahay at magalit kapag nag-ingay kayo." Bilin ko sa aking mga anak na ngayon ay naglalaro sa harap ng aming bahay.
Alas siete pa lang kasi ng umaga kaya bilin ko sa kanila na huwag silang maingay. Kapag kasi masyado silang natutuwa kapag naglalaro ay hindi mapigilan na mag-sigawan kasabay ng masayang halakhak.
"Opo, Nanay." Sabay-sabay naman nilang mga sagot.
Kinuha ko na ang dust pan at walistingting at saka nag-umpisang magwalis ng mga kalat na karamihan ay tuyong dahon. Maraming puno na nakapaligid sa aming bahay kaya naman walang tigil ang kalat dahil sa mga nalalaglag na mga tuyong dahon. Kapag panahon naman na mahangin ay talagang
