Bigo ako.
Hindi na sina Tito Hernan at ang kanyang buong pamilya ang nakatira sa bahay nila na pinuntahan ko. Ibang pamilya na ang naroon at nabili na raw nila ang bahay at lupa sa bangko.
Sinubukan ko naman na magtanong-tanong kung meron nakakaalam kung saan sila lumipat ngunit ni isa sa mga kapitbahay ay wala rin nakasagot sa aking katanungan.
Ibang tao na rin ang mga nakatira sa tapat ng bahay nila Tito Hernan. Hindi na ang pamilya ni Nanay Biding.
Waring nagbalik sa akin ang lahat ng makarating ako sa pamilyar na lugar. Marami man ang nagbago ngunit may mga naiwan naman na talagang nagpapaalala ng mga kahapon kung saan dito pa ako nakatira.
Sariwa pa sa isip ko ang mukha ni Nanay Biding habang malungkot na ng nagpapaalam sa akin.
Sana lang ay magkaroon din ako ng balita tungkol s
