Hanggang ngayon na nakauwi na ang mga anak ko at kasama ko na sila sa kanilang silid para patulugin ay hindi pa rin ako makapaniwala sa nangyari kanina. Hindi pa rin ako makapaniwala sa mga bagong paratang sa akin ni Sir Damian.
Grabe talaga. Biruin mo, naisip niya na kaya raw ako gumagawa ng kasinungalingan na gamit pa ang mga anak ko ay dahil gusto ko raw maikasal sa kanya?
Seryoso ba talaga si Sir Damian o tulog pa siya kanina habang kausap ko? Baka akala niya ay nasa panaginip lang kami? Saan niya kaya nakuha ang mga ganung ideya? Ako? Gusto kong ikasal sa kanya?
Hindi ko alam kung tatawa ba ako o ano ang tamang reaksiyon sa nakakakilabot niyang mga paratang.
"Talaga? Grabe naman talaga ang Sir Damian mo. Ang lawak ng imahinasyon." Tawang-tawa rin si Tine habang nagkomento sa mga
