Ngayon na ang araw ng pag-alis ng bansa nina Ma'am Debborah at Doña Dorina.
Alas singko pa ng hapon ang alis nila kaya naman nagkaroon pa kami ng pagkakataon upang magdaos ng simpleng despedida para sa kanila kasama ang mga kasambahay at mga tauhan ni Sir Damian na hanggang ngayon ay bantay sarado ang labas at loob ng mansyon.
Nagtulong-tulong kami na magluto ng mga simpleng putahe ng ulam at iba pang klase ng pagkain na sa sarili naming pera nanggaling. Habang kagabi naman ng masiguro na namin na tulog na si Ma'am Debborah ay tahimik kaming naglagay ng simpleng dekorasyon dito sa labas kung nasaan ang swimming pool. Naglagay kami ng mahabang lamesa kung saan kami sama-samang nag sasalo.
Hindi nga makapaniwala si Ma'am Debborah na maso sorpresa siya. Hindi niya raw akalain na gagawin n
