Buong akala ko talaga ay maghuhugas na ako ng mga plato sa restaurant kung saan kami kumain ng tanghalian.
Pinakaba lang talaga ako ng bonggang-bongga ni Trevor. Nakalimutan ko rin naman na mayaman nga pala ang kasama ko at kayang-kaya rin na magbayad kahit pa ilang libo.
Halos gabi na ng makauwi kaming lahat sa mansyon. Nakatulog na nga rin ang Doña sa biyahe at binuhat na lang siya ni Sir Damian papunta sa kanyang silid.
Ako naman ay inasikaso ang mga groceries na pinamili ng aking amo na daig pa ang matandang dalaga na sumpungin.
Hindi ko nga alam kung paano ko aayusin sa kabinet kung saan ang lagayan ng mga stocks dahil puno pa ng mga pinamili noong nakaraan linggo lang.
"Kapag may pera ka nga naman." Iiling-iling pa ako habang iniisip kung paano ko nga ba gagawan ng paraan itong
